Беслæн

Сахар Беслæн уырыс. Беслан Тылаттайы-фырты цырт Беслæны Герб Паддзахад Уæрæсе Федерацийы субъект Цæгат Ирыстон Муниципалон район Рахизфарсы район Координатæтæ 43.183333, 44.53333343°11′00″ ц. у. 44°32′00″ с. д.43.183333° ц. у. 44.533333° с. д.   Бындурæвæрд 1847 Раздæры нæмттæ 1941 азы онг — Тулатово 1950 азы онг — Иристон Сахар кæдæй 1950 азæй Цæрджытæ ▲ 36 425 адæймаджы (2010) Националон сконд ирæттæ (81,77%), уырыссæгтæ (13,51%) Сахатон таг UTC+4 Телефонон код 86737 Автомобилон код 15 Беслæн ВикиКъæбицы

Беслæн у сахар Цæгат Ирыстоны, Рахизфарсы районы административон центр. Беслæн у республикæйы ахсджиаг транспортон æмæ индустрион центр.

Истори

Беслæн бындурæвæрд æрцыдис 1847 азы. Йæ бындурæвæрæг у Алыккаты Беслæн, Дæллаг Хъобанæй ралидзæг. Раздæр ацы бынаты уыдис хъæд, йæ астæу та — обау, ныр æй хонынц Беслæны обау.

Алыккаты Беслæны фæдыл ардæм æрбалыгъдысты: Есенатæ, Тылаттатæ, Хъаныхъуатæ. Уыдоны фæстæ ам æрцардысты Магкотæ, Хъамбегатæ, Бæтæгатæ æмæ æнд., кæцытæ ралыгъдысты Дæргъæвсы комæй. Хъæуы фыццаг ном уыд Алыккатыхъæу, йæ бындурæвæрæджы мыггагмæ гæсгæ. Фæстæдæр хуындис Тулатово, æлдар Тылаттаты Беслæны номæй. 1950 азы уый сси сахар, йæ ном Беслæн, афтæмæй.

2004-æм азы 1 сентябры террористтæ тыхæй байстой Беслæны 1-æм скъола, 1 128 адæймаджы (сывæлæттæ, ахуыргæнджытæ æмæ ныййарджытæ) террористты амынæттæ фесты. 3 сентябры адæм уæгъдгонд æрцыдысты, фæлæ уыдонæй 334 фæмардысты. Беслæнæн цы цæф уыдис уыцы теракт, уый бамбарынæн фаг у зæгъын, æппæт Фыдыбæстæйы Стыр хæсты рæстæг Беслæнæй рацæуæджытæй 357 лæджы кæй амардысты, уый.

Транспорт

Беслæн у Цæгат Ирыстоны ахсджиаг транспортон æлхынцъ. Сахары цур ис аэропорт «Дзæуджыхъæу».