2022-æм азы апрель
Китайы цæгаты зæхмæ æрхæццæ ис капсулæ «Шэньчжоу-13», йæ хуылфы æртæ космонавты, афтæмæй[2].
Уæрæсейы Федерацийы Гæрзифтонг тыхтæ, Мариуполы æрхъулайы чи ис, уыцы хæцджытæн дæттынц фадат 17 апрелы 06:00 сахаты агъоммæ Уæрæсейы æфсадмæ хи раттын.- Одессæмæ хæстæг æрæппæрстæуыд, ныгуылæн бæстæтæй бирæ хæцæнгæрзтæ чи ласта, ахæм украинаг хæдтæхæг.
Коронавирусы пандемийы рæстæг сарæх ис сывæллæтты сæкæрниз дæр, фехъусын кодта журнал Scientific American[3].
Æгæр бирæ къæвда кæй рауарыд, уый охыл Хуссар Африкæйы Республикæйы раивылдысты дæттæ, сæдæгай адæм баззадысты æнæхæдзар, æртæ сæдæ фæмардысты, стыр зиан æрхастæуыд базарадæн.
- Уæрæсейы шахмæтты федерацийы цæстдарæг совет схъæлæс кодта Азийы шахмæтты федерацимæ бацæуыны тыххæй.
Зæй фæласта францаг туристы Хъазахстаны хуссары.
Швейцари фæхъоды кодта дурæвзалы, хъæдæрмæг æмæ водкæйы импорт Уæрæсейæ.
Иракли Окруашвили æмæ иуæй-иу иннæ гуырдзиаг бархиæфсæддонтæ раздæхынц Украинæйæ[4].
Арвыкомы фæндаг хæдтулгæты æппæт хуызтæн æхгæд æрцыд фидæны фæхабармæ.
- Дзæуджыхъæуы Ватутины уынджы фæндаджы уæлцъар ногæй ивынц, сног кæндзысты фистæгвæндаг дæр[5].
90 азы размæ кусын райдыдта Хуссар Ирыстоны радио[6].
- Ахицæн ис Хуссар Ирыстоны президенты æвзæрстыты фыццаг тур. Дыккаг турмæ рацыдысты республикæйы ныртæккæйы президент Бибылты Анатоли æмæ оппозиционер Гаглойты Алан. Иннæ оппозицион кандидаттæ — Тасойты Дмитри, Мулдарты Гарри æмæ Плиты Алыксандр загътой, дыккаг туры Гаглойы-фырты фарс кæй уыдзысты, уый[7].
Фиппаинæгтæ[ивын | Бындур ивын]
- ↑ https://dariknews.bg/novini/sviat/turciia-zapochna-voenna-operaciia-v-severen-irak-2307658
- ↑ https://english.news.cn/20220416/1ce778e1c0594c1da1e68f20fd0cb831/c.html
- ↑ https://www.scientificamerican.com/article/new-cases-of-childhood-diabetes-rose-during-the-pandemic/
- ↑ https://centralasia.media/news:1774728
- ↑ https://iryston.tv/ir/vatutiny-nomyl-uyndzhy-faendadzhy-uaeltsar-nogaej-ivynts/
- ↑ https://cominf.org/node/1166542823
- ↑ ТАСС; ирон текст https://t.me/fedogironau/10