Гæбæраты Сергей

Сæрибар энциклопеди Википедийы æрмæг.
Перейти к навигации Перейти к поиску
Гæбæраты Несторы фырт Сергей

Хуызæг:Спортсмен Гæбæраты Нестеры фырт Сергей (1 июнь 1928, Мугуты хъæу, Хуссар Ирыстоны автономон бæстæ, ССРЦ — 9 май 2014, Цхинвал, Хуссар Ирыстон) — советон хъæбысæйхæцæг уæгъдибар хъæбысæйхæстæй æмæ самбойæ, æхсæнадæмон спорты мастер, ССРЦ-йы уæгъдибар хъæбысæйхæстæй чемпион, самбойæ æмæ дунейы чемпионаты уæгъдибар хъæбысæйхæстæй бронзæйы призёр.

Биографи[ивын | Бындур ивын]

Райгуырди 1 июны 1928 азы Хуссар Ирыстон, Знауыры районы, Мугуты хъæуы зæхкусæг бинонты хæдзары. Йæ сывæллоны бонтæй згъордта, алыхуызон уæзтæ иста. 1950 азы рамбылдта Гуырдзыстоны ерыстæ гирийы спортæй. Гуырдзыстоны æмбырдгонд командæмæ йæ куы райстой, уæд гирийы спорт ныууагъта.

Фæстæдæр сси Вахтанг Кухианидзейы уæгъдибар хъæбысæйхæстæй ахуыргæнинаг. 1952 азы бацахста дыккаг бынат Гуырдзыстоны уæгъдибар хъæбысæйхæст чемпионаты. 1953 азы сси æвзист призёр ССРЦ-йы чемпионат Тбилисы. 1954 азæй ССРЦ-йы уæгъдибар хъæбысæйхæсты æмбырдгонд командæйы уæнг. 1953 азы ССРЦ – Швецийы матчы фæуæлахиз ис Швецийы 11 хатты чемпион æмæ олимпаг хъæзтыты призæр Оле Андербергыл. Сси бронзæйы призёр дунейы чемпионат Токиойы æмæ ССРЦ-йы уæгъдибар хъæбысæйхæсты чемпион Ленинграды. 1955 азы бацахста æртыккаг бынат ССРЦ-йы уæгъдибар хъæбысæйхæсты чемпионаты Минсчы. 1956 азы сси ССРЦ-йы чемпион самбойæ Ленинграды æмæ бацахста æртыккаг бынат уæгъдибар хъæбысæйхæсты ССРЦ-йы адæмы сæрдыгон Спартакиадæйы Мæскуыйы.

1958 азы къухы травмæйы тыххæй Сергей ныууагъта йæ спортивон карьерæ æмæ ацыд тренерон куыстмæ. Уыцы иу аз каст фæци Тбилисы паддзахадон университет.

1-2 июлы 2013 азы Цхинвалы арæзт æрцыд æхсæнадæмон турнир 1954 азы дунеон чемпионаты фыццаг ирон архайæг æмæ призёр, æхсæнадæмон спорты мастер Гæбæраты Несторы фырт Сергейы 85 азы юбилейы кадæн[1].

Йæ бинонтимæ царди горæт Цхинвалы æмæ уым 2014 азы 9 майы йæ цардæй ахицæн.

Спортивон æнтыстытæ[ивын | Бындур ивын]

  • ССРЦ-йы уæгъдибар хъæбысæйхæсты чемпион Ленинграды (1954)
  • ССРЦ-йы самбойæ чемпион Ленинграды (1956)

Хæрзиуджытæ æмæ архайæджы нæмттæ[ивын | Бындур ивын]

Фиппаинæгтæ[ивын | Бындур ивын]

  1. Гæбæраты Феликс. "Гæбæратæ" - Дзæуджыхъæу: Осетия-Полиграфсервис, 2015 - 444ф

Æрвитæнтæ[ивын | Бындур ивын]