Боциты Барон

Боциты Барон
Райгуырды датæ	1901-æм азы 13 сентябры(1901-09-13)
Райгуырæны бынат	Тиб, Дзæуджыхъæуы зылд[d], Терчы облæст, Уæрæсейы импери
Мæлæты бон	1944-æм азы 20 июлы(1944-07-20) (42 азы)
Мæлæты бынат	Дзæуджыхъæу, Уæрæсейы СФСР, Советон Цæдис
Æмбæстонад (дæлхицауад)	Советон Цæдис
Ахуырад	Сталины номыл Скæсæны кусджыты коммунистон университет[d] Цæгат Ирыстоны гуманитарон æмæ социалон иртæстыты институт[d]
Архайды хуыз	фыссæг, поэт
Сфæлдыстады азтæ	1925 —
Уацмысты æвзаг	ирон

Боциты Тæтæрийы (Тимофейы) фырт Барон (райгуырдис 1901-æм азы 13 сентябры Тибы — амардис 1944-æм азы 20 июлы Дзæуджыхъæуы) уыдис ирон фыссæг, поэт, прозаик, культурон æмæ литературон архайæг.

1923-æм азы ралыгъдис Дзæуджыхъæумæ, бацыдис Фæскомцæдисмæ, ахуыр кодта, сси коммунист. 1925-æм азæй фыста æмдзæвгæтæ. Цалдæр азы дæргъы ахуыр кодта Мæскуыйы, Сталины номыл Скæсæны кусджыты коммунистон университеты. 1932–35 азты йæ ахуырад дарддæр кодта Цæгат Ирыстоны зонадон-иртасæг институты, йæ дæсныйад уыдис «Ирон филологи».

Куыста «Мах дуджы» редакторæй, уыд Цæгат Ирыстоны фысджыты цæдисы сæрдар æмæ Ирон литературæйы музейы директор. Амыдта ирон литературæ Цæгат Ирыстоны педагогон институты студенттæн, архайдта сывæллæтты театр саразыныл.

Йæ зындгонддæр уацмыс у роман «Саст рæхыс», æвдисы дзы Октябры революцийы агъоммæ æмæ мидхæсты рæстæджы цард Ирыстоны.

Амардис 42-аздзыдæй 1944-æм азы 20 июлы, ныгæд и Ирон аргъуаны кæрты уæлмæрдты.

Йæ фырт Юри уыдис поэт, прозаик, фыста уырыссаг æвзагыл, рауагъта къорд чиныджы.

Æддаг æрмæг

• Боциты Барон æмæ йæ роман «Саст рæхыс» | Судзаг æвзаг // «Осетия — Ирыстон», 2021