Хуыгатæ
Хъæуты тыххæй кæс: Хуыгатыхъæу, Хуыгатæ (хъæу).
Хуыгатæ (уырыс. Хугаевы, гуырдз. ხუგაშვილი[1]) сты стырдæр ирон мыггæгтæй иу.
Истори[ивын | Бындур ивын]
Мыггаджы равзæрд[ивын | Бындур ивын]
Цыдæр таурæгътæм[2] гæсгæ, сæ равзæрд цæуы Мамысонæй. Уырдыгæй сæ рагфыдæл Гуылар афтыдис Къуыдаргоммæ. Гуыларæн уыдис æртæ фырты: Коцой, Теблой, Зассе æмæ Хуыга. Фæстæдæр уыдон Къуыдаргомы фесты хицæн мыггæгтæ: Коцойтæ, Теблойтæ, Зассетæ æмæ Хуыгатæ. Иннæ версимæ гæсгæ, Гуылар йæ фырттимæ æрбацыдис Ручъы комæй:
«Хуыга... уыди цуанон лæг, лидзгæ та Брытъатæй, уартæ Урстуалтæй»[3]
Хуыгаты æрцард Къуыдаргомы[ивын | Бындур ивын]
Фыццаг хъæу, уыдон кæм æрцардысты се ’рвадæлтимæ, уыди Часавал. Уый æрбынат кодта тæккæ Хуыгаты хохы рæбыны. Иннæ Хуыгатæ ацыдысты дæлæмæ æмæ бындур æрæвæрдтой Æхсæрджыны комы мидæг сæ дыккаг хъæу — Æхсæрджынæн. Æртыккаг хъæу, Хуыгатæ кæм ’рцардысты, æрбынат кодта Часавалы бакомкоммæ ’мæ йæ ном уыди Шеубан. Стæй Рацъы хохы рагъы цæгатаг къуылдымы цур равзæрдис Хуыгаты цыппæрæм хъæу — Хæрдысæр. Уый фæстæ Хуыгатæ сарæзтой сæ фæстаг хъæу — Мыртгæджын. Ацы хъæу лæууыдис скæсæйнаг кæроны Дуалы нарæг хохы хизæны, Сембулы хъæуы цур. Афтæмæй, Хуыгатæм уыди фондз хъæуы. Цасдæр рæстæг куы рацыдис, уымæй фæстæмæ уыдон æндæр кæмттæм лидзын райдыдтой: Рацъ, Дзауы ком, Цхинвал, Къахет, Гурмæ ’мæ æнд.
Номдзыд Хуыгатæ[ивын | Бындур ивын]
- Хуыгаты Алан — хъæбысæйхæцæг, Сæрдыгон Олимпаг хъæзтыты чемпион
- Хуыгаты Геор — драматург
- Хуыгаты Дауыт — актёр
- Хуыгаты Доментъи — Ногиры хъæуы бындурæвæрæг
- Хуыгаты Ирлан — сценарист, актёр
- Хуыгаты Ролан — футболист
- Хуыгаты Ростислав — бизнесмен
- Хуыгаты Сергей — фыссæг
- Хуыгаты Сурен — актёр
Фиппаинæгтæ[ивын | Бындур ивын]
Æддаг æрмæг[ивын | Бындур ивын]
- Хуыгаты тыххæй (уырыссагау)(æнæбаххæсгæ æрвитæн)
- Хуыгаты Ирлан. Хуыгайы кадæг(æнæбаххæсгæ æрвитæн)