Семёнов, Леонид Пётры фырт
| Леонид Пётры фырт Семёнов | |
|---|---|
 Семёнов 1917-æм азы | |
| Райгуырды датæ | 17 (29) майы 1886 |
| Райгуырæны бынат | |
| Мæлæты датæ | 1959-æм азы 2 апрелы (72 азы) |
| Мæлæты бынат | |
| Бæстæ | |
| Куысты бынат | |
| Альма-матер | |
| Хорзæхтæ æмæ премитæ |
     |
.svg){kind=small}
Леонид Пётры фырт Семёнов (1886—1959) уыд советон литературæзонæг, аивадзонæг, профессор, археолог[1], ЦИ АССР-йы зонады сгуыхт архайæг. Уыд Хетæгкаты Къостайы, Брытъиаты Елбыздыхъойы, Тугъанты Батырбег æмæ иннæ ирон культурæйы минæвæртты сфæлдыстад фыццаг иртасджытæй иу.
Райгуырдис 1886-æм азы 30 майы Терчы облæсты Слепцовскæйы станицæйы (ныртæккæ у Сунжæйы сахар Мæхъхъæлы Республикæйы) ахуыргæнæджы бинонты[2]. Йæ мад Вассæ Захары чызг Лерман, хъомыл кодта аст сывæллоны, амыдта сæрмагонд уроктæ.
1891-æм азы Семёновтæ ралыгъдысты Дзæуджыхъæумæ æмæ æрцырдысты, Леонид Семёнов йе ’нæхъæн цард кæм æрвитдзæн, уыцы Ирон уынджы хæдзары. Æрыгонæй суинаг ахуыргонд уарзта классикон æвзæгтæ ахуыр кæнын[3].
Дзæуджыхъæуы реалон училищейы каст фæуыны фæстæ ацыдис Харьковы университеты историон-филологон факультеты ахуыр кæнынмæ (1908–1912)[4], классикон æвзæгтæ хорз кæй зыдта, уый йын стыр ахъаз фæцис йæ ахуыры. 1911-æм азы ныффыста йæ фыццаг зонадон куыст Михаил Лермонтовы поэзийы тыххæй, рауагътой йæ Харьковы историон-филологон æхсæнады æмбырдгонды 1913 азы[3].
Бирæ азты дæргъы Л. П. Семёнов амыдта уырыссаг æвзаг æмæ литературæ Дзæуджыхъæуы педагогон институты, 1934-æм азæй уыд профессор. Уыцы иу рæстæг куыста Цæгат Кавказы бæстæзонæн институты æмæ йæ зонадон музейы, Фыдыбæстæйы Стыр хæсты заман йæ куыст адарддæр кодта Цхинвалы педагогогон институты[4].
Бацæттæ кодта, кандидатон æмæ докторон диссертацитæ æнтыстджынæй чи бахъахъхъæдта, дæс ахæм ахуыргæнинагæй фылдæр.
Семёнов уыд Советон Цæдисы зонæдты академийы мидæг Лермонтовы къамисы уæнг[4].
Амардис 1959-æм азы 2 апрелы Орджоникидзейы (ныры Дзæуджыхъæу). Ныгæд æрцыдис Ирон аргъуаны кæрты уæлмæрдты.
Литературæ[ивын | Бындур ивын]
- Хайманова И. Леонид Петрович Семенов / Ирина Хайманова // Человек и книга: страницы истории Национальной научной библиотеки РСО-А (1985—2005) / сост. И. Хайманова. Владикавказ : ИПП им. В. Гассиева, 2005. С. 140—141
- Ученый, ставший гордостью Осетии : [о выдающемся ученом-гуманитарии, литературоведе, искусствоведе Леониде Петровиче Семенове] // Северная Осетия. 2 апреля 2004
- Хозиев Б. Проповедник дружбы народов // Северная Осетия. 17 ноября 1989
- Цаллагова Т. Дидактические воззрения Л. П. Семёнова // История и философия культуры. Актуальные проблемы : сб. науч. трудов. Вып. 6. / под ред. С. Архипова. Владикавказ: Изд-во СОГУ, 2003. С. 259—272.
Фиппаинæгтæ[ивын | Бындур ивын]
- ↑ Takho-Godi, A. A., Тахо-Годи, А. А. Zhiznʹ i sudʹba : vospominanii︠a︡. — Moskva: Molodai︠a︡ gvardii︠a︡, 2009. — 691 pages с. — ISBN 9785235031920, 523503192X.
- ↑ Тахо-Годи А. А. Жизнь и судьба: Воспоминания.
- ↑ 3,0 3,1 Людмила Беседина. Он жизнь посвятил служению науке. Сайт «Осетия-Квайса» (30 майы 2011). Датæ: 2013-æм азы 20 январы. Архив 2013-æм азы 5 февралы.
- ↑ 4,0 4,1 4,2 Семенов Леонид Петрович (1886–1959) / Литературоведы(недоступная ссылка). Национальная научная библиотека Республики Северная Осетия-Алания. Датæ: 2013-æм азы 20 январы. Архив 2013-æм азы 5 февралы.
Æддаг æрмæг[ивын | Бындур ивын]
- В. А. Захаров. Л.П. Семенов и его вклад в изучение кавказского периода жизни и творчества М.Ю. Лермонтова. Кавказоведение: опыт исследований Материалы международной научной конференции (Владикавказ, 13-14 октября 2005 г.). Датæ: 2013-æм азы 20 январы.