Медойты Дмитри

Сæрибар энциклопеди Википедийы æрмæг.
Перейти к навигации Перейти к поиску
Медойты Дмитри (рахиз) æмæ Михаил Калашников. Ижевск, 2009-æм аз
Медойты Дмитри (галиуырдыгæй) Уæрæсейы Хъæбатыр Сергей Кобылашимæ. Мæскуы, 2010-æм азы февраль

Медойты Никъалайы фырт Дмитри (райгуырдис 1960-æм азы 15 майы Цхинвалы) у Хуссар Ирыстоны паддзахадон архайæг æмæ дипломат, Республикæ Хуссар Ирыстоны æххæстбарджын минæвар Уæрæсейы Федерацийы.

Цардафыст[ивын | Бындур ивын]

1982-æм азы каст фæцис Хуссар Ирыстоны паддзахадон университеты историон-филологион факультет.

1986–1989-æм азты уыдис Гуырдзыстоны ССР-ы Зонæдты академийы Истори, археологи æмæ этнографийы институты аспирант.

1985–1994-æм азты — Хуссар Ирыстоны Гуманитарон иртасæнты Зонадон-иртасæг институты зонадон кусæг.

1990–1994-æм азты — Республикæ Хуссар Ирыстоны Уæлдæр Советы депутат.

1994–1996-æм азты — Республикæ Хуссар Ирыстоны æддагон бастдзинæдты мнистр.

2001-æм азы Медойы-фырт каст фæцис Уæрæсейы Фæсарæйнаг хъуыддæгты министрады Дипломатион академи (дæсныйад — «æхсæнадæмон ахастдзинæдтæ»).

2003-æм азы бахъахъхъæдта политологийы кандидатон диссертаци ахæм темæйæ: «Уæрæсейы политикæ Фæскавказы: проблемæтæ æмæ перспективæтæ».

2002–2005-æм азты — Республикæ Хуссар Ирыстоны президенты бæрнлæг (уырыс. представитель) Уæрæсейы Федерацийы.

2005-æм азæй уыдис Республикæ Хуссар Ирыстоны бæрнлæг (уырыс. представитель) Уæрæсейы Федерацийы.

2009-æм азы 12 январæй у Республикæ Хуссар Ирыстоны æххæстбарджын минæвар Уæрæсейы Федерацийы.

Медойы-фырт зоны ирон, уырыссаг, персайнаг æмæ гуырдзиаг æвзæгтæ.