Иразиев, Эльдар Изамутдины фырт

Сæрибар энциклопеди Википедийы æрмæг.
Перейти к навигации Перейти к поиску
Эльдар Иразиев, кинофильм «Горцы от ума»-йы кадр

Эльдар Изамутдины фырт Иразиев (хъуым. Элдар Иразиев Изамутдинню уланы; 1981-æм азы 13 октябры, сахар Буйнакск, Дагъистаны АССР, ССРЦ[1]) у дагъистайнаг юморист, КВН-ы хъазæг, режиссёр æмæ сценарист.

Йæ цард æмæ сфæлдыстад[ивын | Бындур ивын]

Йе ’рыгон бонтæ[ивын | Бындур ивын]

Эльдар Иразиев райгуырдис 1981-æм азы 13 октябры Дагъистаны сахар Буйнакскы хъуымыхъхъаг бинонты ’хсæн. Йæ мыггаг у Дæллаг Дженгутайы хъæуæй (Дагъистаны Буйнакскы район. 1998-æм азы Эльдар каст фæци Буйнакскы цыппæрæм астæуккаг скъола. Уый фæстæ бацыдис Дагъистаны паддзахадон педагогон университеты Буйнакскы филиалмæ, барады факультетмæ, уым фæцахуыр кодта 2003-æм азы онг.[2]

Сфæлдыстадон фæндаг[ивын | Бындур ивын]

Сценæмæ фыццаг хатт рацыдис 2000-æм азы, студент уæвгæйæ. Актёр уæвын æй нæ фæндыди, уый тыххæй æмæ актёры дæсныйад райсыныл никуы хъуыды кодта æмæ бацыд барады факультетмæ æрмæст исты уæлдæр ахуырад райсыны охыл. Фæлæ йæ сабийы бонты йæм разынди актёры курдиат.[2]

Фыццаг йæ ныййарджытæ уыдысты йæ актёрон архæйды ныхмæ, фæлæ йæ ахсджиаг хъавд куы базыдтой, уæд йæ фæндтимæ сразы сты.

Алыхуызон рæстæджы Эльдар хъазыдис КВН-ы цалдæр командæты: «Буйнакскаг проект» (уырыс. «Буйнакский проект»), Дагъистаны æмбырдгонд командæ æмæ Грознайæ «Цæцæны фæд» (уырыс. «Чеченский след»).

Уыдонæй уæлдай ма архайдта ахæм проектты:

  • «Разные истории по-любому»,
  • «Разные истории по-любому 3»,
  • «Ва-ба-бай шоу»,
  • «Островок +»,
  • «Горцы от ума».

Ноджы ма архайдта телеканалы ТНТ-йы проектты «Окна» æмæ «Смех без правил». 2008-æм азы та сериал «Фæдысмуд Гуровы ног цард»-ы (уырыс. «Новая жизнь сыщика Гурова») ахъазыдис эпизодон ролы. Ныр та архайы проектыл «Горцы от ума. Том 2».

Йæхи загъдау, продюсер ын нæй. Рекламон роликтæ æмæ комедитæн сценаритæ фыссы йæхæдæг. Æмгуыст кæны КВН-ы раздæры хъазæг Хадзымурат Набиевимæ æмæ ансамбль «Лезгинка»-йы раздæры солист Юсуп Омаровимæ.[1] Æххæстметражон фильмтæн сценаритæ фыссынæл бавналдта, спонсорты æххуысмæ æнхъæлмæ кæсын дзæгъæлы у, уый куы бамбæрста, уæд. Иу интервьюйы Иразиев йæхæдæг куыд зæгъы,[2]

Фильм сисынæн хъæуы бирæ ’хца. Æмæ кæм æй райсон? Нæ чиновниктæй иу капекк дæр ракурæн нæй. Æз мæхæдæг ме ’мбæлттимæ кæддæр фæлвæрдтон. Уыдон нын загътой, зæгъгæ, Дагъистанæн уый нæ хъæуы.

Йæ фыццаг режиссёрон куыстытæй иу у (Руслан Хангишиевимæ иумæ) скетч-шоу «Горцы от ума».[2]

Æнæхъæн Уæрæсейы зындгонд сси ТНТ-йы телеканалы «Смех без правил»-ы проекты йæ архайды фæстæ (Юсуп Омаровимæ дуэты). Сæ «Дуэт Ивановы» рацыди æрдæгфиналмæ.[2]

Фильмографи[ивын | Бындур ивын]

«Фæдысмуд Гуровы ног цард» (уырыс. Новая жизнь сыщика Гурова, 2008) — æвзæргæнæг.[3]

Йæхи бизнес[ивын | Бындур ивын]

Ныртæккæ, комедийы проектты архайды йеддæмæ, кæны йæхæдæг бизнес мобилон бастдзинад сферæйы.[3]

Бинонтæ[ивын | Бындур ивын]

Бинонтæ йын нæма ис.

Фиппаинæгтæ[ивын | Бындур ивын]

  1. 1,0 1,1 Эльдар Иразиевы цардафыст сайт «Хахачкала»-йы (уырыс.)
  2. 2,0 2,1 2,2 2,3 2,4 Газет «Новое Время»'йæн интервю (уырыс.)
  3. 3,0 3,1 Газет «Свободная Республика»-йæн интервью (уырыс.)

Æрвитæнтæ[ивын | Бындур ивын]