Газуадзæн «Дзуарыхъæу—Цхинвал»

Сæрибар энциклопеди Википедийы æрмæг.
Газуадзæны фыццаг трубæ бандæгътой

Газуадзæн «ДзуарыхъæуЦхинвал» арæзт æрцыдис Цæгат Ирыстон — Алани æмæ Хуссар Ирыстоны ’хсæн, уый фæрцы уæрæсейаг æрдзон газ æрбацыдис Цхинвал æмæ Хуссары æндæр цæрæнрæттæм. Цæгат Ирыстоны Алагиры районы хæххон хъæутæм дæр газ бауагътой; фыццагдæр газ райстой Мызур, Нузал, Садон, Бурон, Уæллаг Зджыд, Уынал æмæ Зынцъар[1].

2008-æм азы 29 майы Къобеты хъæуы газуадзæн «Цхинвал—Дзуарыхъæу»-ы Хуссар Ирыстоны фадыджы бахсыстой фыццаг хæтæл. Уыцы бон дзы сарæзтой бæрæгбон, сæ аивад дзы равдыстой Хуссар æмæ Цæгат Ирыстоны кафджытæ æмæ зарæггæнджытæ[2]. Кæронбæттæны адæмон бæрæгбонæн куыд æмбæлы, афтæ уыдис æцæг ирон куывд.

2009-æм азы 26 августы газуадзæн скуыста æппæтæй. Йæ дæргъ у æдæппæт 175 километры, газы хæтæл цæуы 5 рагъы сæрты.

Фиппаинæгтæ[ивын | Бындур ивын]

  1. Алы хъæумæ дæр — газ // Рæстдзинад №241, 2008 азы 25 декабрь
  2. Плиты Иналы репортаж уый тыххæй(недоступная ссылка). Датæ: 2008-æм азы 8 декабры. Архив 2009-æм азы 22 октябры.