Абхазаг-адыгаг æвзæгтæ

     Адыгаг дæлкъорд      Абхазаг-абазаг дæлкъорд      Убыхаг дæлкъорд

Абхазаг-адыгаг æвзæгтæ (кæнæ ныгуылæн-кавказаг æвзæгтæ) сты, кæрæдзимæ хæстæгдзинад чи дарынц, ахæм æвзæгты къорд. Иуæй-иу лингвисттæм гæсгæ уыцы æвзæгтæ нахаг-дагъистайнаг къордимæ кæнынц цæгат-кавказаг æвзæгты къорд.

Абхазаг-адыгаг æвзæгтыл дзурынц 1,1 милуан адæймаджы бæрц Цæгат Кавказ æмæ Æввахс Скæсæны (Уæрæсейы — 764 мин 2002-æм азы адæмы сфыстмæ гæсгæ).

Ирон æвзаг уыцы æвзæгтæй (уæлдайдæр кæсгон æвзагæй) бирæ дзырдтæ райста (агуывзæ, гуырысхо, гуызавæ æмæ æндæртæ).

Классификаци

Адыгаг дæлкъорд

• Адыгъейаг æвзаг (адыгэбзэ)
• Кæсгон-черкесаг æвзаг (адыгэбзэ, къэбэрдеибзэ)

Абхазаг-абазаг дæлкъорд

• Абхазаг æвзаг (аҧсуа бызшǝа, аҧсшǝа)
• Абазаг æвзаг (абаза бызшва)

Убыхаг дæлкъорд

• Убыхаг æвзаг (a-t°axə)