Хъуылаты Созырыхъо

Хъуылаты Созырыхъо
Райгуырды датæ	1900
Райгуырæны бынат	Згъуыбир
Мæлæты бон	1938
Æмбæстонад (дæлхицауад)	Советон Цæдис
Ахуырад	Московская сельскохозяйственная академия имени К. А. Тимирязева[d]
Архайды хуыз	фыссæг, поэт
Уацмысты æвзаг	ирон æмæ уырыссаг

Хъуылаты Садуллæйы фырт Созырыхъо (Сикъо) (райгуырдис 1900-æм азы Згъуыбиры — амардис 1937-æм азы) уыдис ирон фыссæг.

Цардафыст

Созырыхъо райгуырдис Хуссар Ирыстоны Згъуыбиры хъæуы мæгуыр зæхкусæджы хæдзары. Созырыхъо ахуыр кодта Уанелы скъолайы, фæстæдæр Гуры гимназы, фæлæ йæ каст нæ фæциc.

Хæрз æрыгонæй фæцалх ис революцион куыстыл. Меньшевикты хицауады дзырдæй йæ дыууæ хатты æрцахстой, фæлæ та-иу ралыгъдис. Фæстагмæ баиу большевиктимæ æмæ рафтыдис Цæгат Кавказмæ. Уыдиc Сырх Æфсады эскадроны политразамонæг, урсгвардионты ныхмæ хæцыдиc Бургъустаны. 1923–1928 азты ахуыр кодта Мæскуыйы Тимирязевы номыл хъæууонхæдзарадон академийы. Уый фæстæ куыста алы рæтты: журнал «Фидиуæджы» редакторæй, Гуырдзыстоны К(б) П-йы ЦК-йы хъæууонхæдзарады хайады инспекторæй, Фæскавказы пролетарон фысджыты ассоциацийы президиумы сæрдары хæдивæгæй, Хуссар Ирыстоны рухсады адæмон комиссарæй.

1937-æм азы йæ æрцахстой, сæвæрдтой йыл адæмы знаджы ном æмæ йæ амардтой.

Сфæлдыстад

Литературон куыст кæнын райдыдта 1916-æм азы. Уыдис дæсны прозаик, фыста æмдзæвгæтæ дæр, уыимæ, адæмон сфæлдыстады бындурыл чи æнцадис, ахæмтæ.

Фыссæджы литературон бынты тæккæ æххæстдæр æмбырдгонд рацыди 1957-æм азы Цхинвалы.