Тедеты Бахвæ

Тедеты Бахвæ
Æнæхъæн ном	Тедеты Отары фырт Бахвæ
Райгуырдис	1969-æм азы 18 сентябры(1969-09-18) (55 азы) Цхинвал, Хуссар Ирыстон
Æмбæстонад	ССРЦ, Уæрæсе
Ас	179 см
Позици	æрдæгхъахъхъæнæг
Фæсивæдон клубтæ ДЮСШ (Цхинвал) Клубон карьерæ 1986—1989 Динамо (Тбилис) 18 (3) 1990—1991 Спартак (Дзæуджыхъæу) 65 (29) 1992 Спартак (Дзæуджыхъæу) 20 (8) 1993 Динамо (Мæскуы) 30 (8) 1994—1997 Алани 100 (28) 1997 Алани-д 1 (0) 1998 Локомотив (Мæскуы) 15 (1) 1998 Локомотив-2 2 (0) 1999—2001 Алани 74 (14) 1986—2001 Æдæппæт 325 (91) Национ иугонд командæ 1990—1991 ССРЦ (олимп.) 3 (0) 1993—1994 Уæрæсе 6 (1) Тренеры карьерæ 2002 Алани 2003—2004 Алани 2005 Алани

Тедеты Отары фырт Бахвæ (райгуырдис 1969-æм азы 18 сентябры, Цхинвалы) у Уæрæсейы футболист (æрдæгхъахъæнæг; раздæр уыдис размæбырсæг). Ныртæккæ у Хуссар Ирыстоны физикон культурæ, спорт, туризм æмæ фæсивæды хъуыддæгты фæдыл министры хæдивæг.

Цардафыст

Бахвæ райгуырдис Цхинвалы. Футболæй райдыдта хъазын 1979-æм азы йæ райгуырæн сахары ДЮСШ-ы (уырыс. детско-юношеская спортивная школа). Йæ тренер уыдис Гæззаты Б.

Тедейы-фырт хъуыстгонд спортсмен ссис, Дзæуджыхъæуы футболон клуб «Алани»-йы хъазын куы райдыдта, уæд. Æдæппæтæй дзы фæхъазыдис 10 азы (1990–1992, 1994–1997, 1999–2001). Йæ хъазыны карьерæ куы фæцис, уæд Бахвæ цалдæр хатты уыдис «Алани»-йы сæйраг тренер (2002, 2003–2004, 2005).

Тедеты Бахвæ у, Уæрæсейы чемпионаты кæй бакъуырдта, уыцы пуртиты нымæцмæ гæсгæ «Алани»-йы рекордсмен — 50 пуртийы. Æдæппæтæй Уæрæсейы чеспионаты бакъуырдта 59 пуртийы æмæ уыцы бæрæггæнæнмæ гæсгæ æппæт хъазджыты номхыгъды ахсы 18-æм бынат.

1993–1994-æм азты Тедейы-фырт Уæрæсейы иугонд командæйы ахъазыдис 6 матчы æмæ бакъуырдта иу пурти. Уый размæ ма хъазыдис ССР Цæдисы æрыгон лæппуты æмæ фæсивæды командæты. 1990–1991 азты Бахвæ ахъазыдис 3 матчы ССР Цæдисы олимпаг иугонд командæйы.

Æнтыстытæ

• Уæрæсейы чемпион (1995);
• Уæрæсейы чемпионаты æвзист призёр (1992, 1996);
• Уæрæсейы чемпионаты бронзæ призёр (1993, 1998);
• Фæсивæды ’хсæн Европæйы чемпионаты бронзæ призёр (1986).