Абхази
Сæрибар энциклопеди Википедийы æрмæг.
|
|||||
 |
|||||
| Хæдбар сси | 1992 азы 23 июлы Гуырдзыстонæй | ||||
| Æвзаг | абхазаг, уырыссаг | ||||
| Сæйраг сахар | Сухум | ||||
| Стырдæр сахартæ | Сухум (43,7 мин), Гагрæ (10,7 мин), Гудаутæ (7,7 мин) |
||||
| Хицауиуæджы хуыз | Республикæ | ||||
| Президент Премьер-министр Уæлдæр советы сæргълæууæг Министрты кабинеты сæргълæууæг |
Сергей Багапш Александр Анкваб Темур Мжавия Малхаз Акишбая |
||||
| Фæзуат | 8600 км² | ||||
| Доны процент | чысыл | ||||
| Цæрджытæ | 250 000 (2000)
|
||||
| Валютæ | Уæрæсейаг сом | ||||
| Телефонон код | +7 840, +7 940[1] | ||||
| Сахатон таг | UTC+3 | ||||
| Абхазаг автономон республикæйы хицауад, Тбилисы дæлбар, 2008-æм азы авгутсы онг бадти Уæллаг Абхазийы. | |||||
Абхази (абх. Аҧсны, гуырдз. აფხაზეთი) у хæдбар паддзахад, Гуырдзыстоны кæддæры автономи, ис Кавказы Цæгат ныгуылæн хай — Сау денджызы былыл. Йæ сæйраг сахар у Сухум.
Абхазийы хæдбардзинад базыдтой Уæрæсе (2008-æм азы 26 августы)[2], Никарагуа (2008-æм азы 5 сентябры)[3] æмæ Венесуэлæ (2009-æм азы 10 сентябры)[4][5], стæй Хуссар Ирыстон, Приднестровье æмæ Уæлхох Карабах. 2008-æм азæй фæстæмæ Абхази, цы территори йæхи хоны, уый контроль кæны æппæтæй.
Абхазийы президент у Сергей Багапш.
Республикæйы фæзуат у 8,6 мин квадратон километры.
Ныгуылæнæй скæсæны ’рдæм йæ территорийы астæуккаг дæргъ у 160 километры, хуссарæй цæгаты ’рдæм та — 54 километры. Денджызгæрæтты дæргъ у 210 километры.
Абхазийы цæрджытæ нымæц — 320 мин адæймагæй фылдæр (2001 азы зонæнтæм гæсгæ). Цæрынц дзы абхазæгтæ, сомихæгтæ, уырыссæгтæ, гуырдзиæгтæ (сæ фылдæр мегрелтæ), грекъæгтæ, эстойнæгтæ, немыцæгтæ, польшæйæгтæ æмæ æндæр нациты минæвæрттæ. Сахарты цæрджыты нымæц хизы 50 процентæй фылдæрмæ. Сæ динмæ гæсгæ 60% сты чырыстæттæ, 16% пысылмæттæ.
Хæхтæ ахсынц йæ территорийы 64% — Кавказы сæйраг къæдзæхрагъ, Бзыбь, Чхалта, Кодоры хæхтæ. Иууыл бæрзонддæр хох у Домбай-Ульген (4046 м).
Йæ хуссар хай сты æфцджытæ æмæ дæлвæзтæ.
Ис дзы лæгæттæ: «Ног Афон», «Митджын», Арбаикайы æфцæгыл лæгæт-сæрсæфæн — дунейы иууыл арфдæр лæгæт (1860 метры).
Цæугæдæттæ: Псоу, Бзыбь, Гумиста, Кодор, Алдзга, Ингур æмæ æндæртæ.
Цæдтæ: Рица, Амткел, Инкит, Голубое, Бебеисир.
Мæр хæххон сыгъзæрингъуыз, сырх æмæ бургъуыз.
Абхазийы территорийы 55 процентæй фылдæрыл зайы хъæд (тулдз, тæрс, фатхъæд, сабæлут, соцъи æмæ наз). Денджызгæрæтты зайынц субтропикон зайæгойтæ.
Йæ бæстыхъæд у уымæл, субтропикон, денджызгæрæтты январы астæуккаг температурæ вæййы +4... +7 градусы, хæхты — +2... -2 градусы, июлы та +22... +24 градусы. Къæвдатæ дзы афæдз æруары 1300–2400 миллиметры.
[баив æй] Кæс статьятæ
[баив æй] Æддаг æрмæг
[баив æй] Фиппаинæгтæ
- ↑ «Абхазия получила российские телефонные коды» — Лента.ру (28.09.2009)
- ↑ Указ Президента Российской Федерации от 26.08.2008 № 1260.
- ↑ Официальный декрет Президента Никарагуа от 5.09.2008 № 47-2008.
- ↑ http://top.rbc.ru/politics/10/09/2009/328391.shtml РБК - Венесуэла признала независимость Южной Осетии и Абхазии.
- ↑ РИА «Новости»: Венесуэла признает Южную Осетию и Абхазию - Чавес.
 |
Ацы статьяйы автортæй чидæр пайда кодта газет «Хурзæрин»-æй ист æрмæджытæй. «Хурзæрин»-ы редакци ахæм бар дæтты. |
