Томайты Мæхæмæт
Томайты Мæхæмæт у ирон адæмы хъæбатыр, Ручъы хъæуккаг[1]. 1850-æм азы тох кодта гуырдзиаг феодалтæ Мачабелиты ныхмæ, стæй, гуырдзиаг кънйæзты фæрс чи æрлæууыдысты, уыцы Уæрæсейы империаг хотыхджынты ныхмæ дæр[2]. Куы йæ ахстой, уæд тæрхондон йæ аххосджыныл банымадта, цы хохæгты разтад ацы аз æрцыдис, ууыл. Хаст æрцыдис Томскмæ «æнустæм цæрынмæ»[3].
1868-æм азы Хетæгкаты Леуан (Къостайы фыд) арвыста стыр кънйаз Михаилмæ сæрмагонд фыстæг, æмæ дзы куырдта, цæмæй Мæхæмæты суагъд кæной[3]. Чиновниктæ райдыдтой Мæхæмæты агурын, фæлæ уый сæ къухмæ нæ бафтыд, æмæ куыд фæстæмæ йæ базыдтой, Мæхæмæт 1855-æм азы йæ арвысты бынатæй æбæрæг ранмæ кæй алыгъдис, уый[3]. Адæмон сфæлдыстады дæр баззадысты, Мæхæмæт Сыбырæй кæй алыгъдис, уый тыххæй зарджытæ.
Томайты Мæхæмæты ном баззадис ирон адæмон сфæлдыстады. Йæ ном хæссы Рукъмæ ’ввæхс фæз «Мæхæмæты хæцæн» дæр. 2020-æм азы йæ кадæн Дзæуджыхъæуы активисттæ сæвæрдтой егъау банер фондзуæладзыгон хæдзары къулыл[4].
Фиппаинæгтæ
[ивын | Бындур ивын]- ↑ Гутнов Ф. Х. Осетинские фамилии. — Владикавказ: Респект, 2014. — С. 328. — (Моя Осетия). — ISBN 978-5-905066-15-3.
- ↑ Томайты Мæхæмæт. Газет «Хурзæрин»
- 1 2 3 Гутнов Ф. X. Века и люди (Из истории осетинских сел и фамилий). Выпуск 2, Владикавказ 2004
- ↑ Баннер с изображением Махамата Томаева появился во Владикавказе
 |
Ацы уац адæймаджы тыххæй къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |