Хетæгкаты Леуан

Хетæгкаты Леуан

Хетæгкаты Елызбары фырт Леуан (райгуырдис 1810-æм азы Нары — амардис 1892-æм азы Лабæйы) уыд паддзахы афицер æмæ куыста Дзæуджыхъæуы Терчы зылды бæхджын полчъы ирон дивизионы хицауæй. Паддзахæн иузæрдион лæггадгæнæг афицер хорзæхджын цыди майдантæй, лæвæрттæй æмæ мæгуыр кæм цардаид, фæлæ æгъдауыл бинонты хъуыддаг бакодта æмбискары. Æрхаста Гуыбаты Габрелы чызг Марияйы, æмæ сын рантыст иунæг лæппу Къоста.

Леуан дыккаг бинойнагæн æрхаста Сохиты (Сухиты) Хъызмыдæйы (райг. Цъæйы 1838-æм азы — ам. 1896-æм азы Лабæйы). Хъызмыдæйы чызг Уæлгъа райгуырдис 1867-æм азы Нары æмæ амардис Лабæйы. Леуан цалынмæ дыккаг ус хаста, уæдмæ Къоста хъомыл кодта йе схæссæг мад Туаты Чендзейы хъусдардæй æмæ дзы бавзæрста схæссæг мады зæрдиаг рæвдыд, ирон æгъдауджын бинонты ад.

Литературæ

• Айларты Измаил. Хуыцауы рæстад. Дзæуджыхъæу: Ир, 2011 — 287 ф.