Санаты Уари

Санаты Уари
Райгуырды датæ	1884
Райгуырæны бынат	Брут, Дзæуджыхъæуы зылд[d], Терчы облæст, Уæрæсейы импери
Мæлæты бон	1968-æм азы 15 сентябры(1968-09-15)
Мæлæты бынат	Дзæуджыхъæу, Уæрæсейы СФСР, Советон Цæдис
Æмбæстонад (дæлхицауад)	Уæрæсейы импери  УСФСР  Советон Цæдис
Архайды хуыз	фыссæг, поэт
Уацмысты æвзаг	ирон
Хорзæхтæ

Санаты Умары фырт Уари (райгуырди 1884-æм азы Бруты хъæуы — амарди 1968-æм азы 15 сентябры) у ирон аив дзырды дæсны, фыссæг-таурæгъгæнæг.

Цардафыст

Астаздзыдæй йæ радтой Стъараполы гимназмæ, фæлæ дзы ’рмæст æхсæзæм къласмæ фæцахуыр кодта: йæ фыд фæзиан, æмæ Уари сыздæхт йæ райгуырæн уæзæгмæ.

1924 азы æнæнхъæлæджы йæ къухты топп схæцыд, æмæ Уари саугуырм баци. Фæлæ та ацы хатт дар лæджыхъæдджын разынд, цардыл йæ къух нæ ауыгъта — бацыд куырмытæ æмæ къуыттыты Æхсæнадмæ æмæ дзы хъазуатонæй куыста.

Фæстæдар сæ бинонтæ ралыгъдысты Хъобанмæ. Ам сси ногдзауты дыууæ лагеры комендант. Рагæй фæстæмæ дæр зæрдæргъæвд уыд фыдæлтыккон кæдджытæ, таурæгътæ æмæ аргъæуттæм хъусынмæ, банкъардта æмæ бауарзта ирон алæмæты дзырды ад. Æмæ 1926 азы йе ’ргом аздæхта литературон сфæлдыстадмæ. Йæ хуыздæр уацмысты бындур систы хъобайнаг хъайтарты тыххæй таурæгътæ — Тлаттаты Чермен æмæ Алыккаты Батæйы фырттæ Будзи æмæ Аслæнбегыл.