Потто, Василий Александры фырт

Сæрибар энциклопеди Википедийы æрмæг.
Перейти к навигации Перейти к поиску

Василий Александры фырт Потто (1836-æм азы 13 январь — 1911-æм азы 11 ноябрь) уыдис Уæрæсейы империйы Кавказы æфсады генералон штабы сæргълæууæг, инæлар-лейтенант, æфсæддон историк. В.А. Потто зындгонд сси, Кавказы хæсты тыххæй цы историон куыстытæ ныффыста, уыдоны фæрцы.

Potto Vasilij Alexandrovitch.jpg

Цардафыст[ивын | Бындур ивын]

Василий Потто райгуырдис Тулæйы губернæйы. Æфсæддон ахуыр райста Паддзах Александры Тулæйы кадетон корпусы (уырыс. Тульский Александровский кадетский корпус), Бахтины номыл Орёлы кадетон корпусы æмæ Дворянты полчъы.

1855-æм азы йын лæвæрд æрцыд прапорщичы цин æмæ йæ снысан чынди Новороссийсчы драгунты полкъмæ. Уыцы полчъы уæвгæйæ архайдта Хъырымы хæсты Хъарсы блокадæ кæныны æмæ байсты, стæй 1863-æм азы Польшæйы растад басæттыны.

1866-æм азы Потто куыста Паддзах Никъалайы кавалерион училищейы ахуыргæнæгæй. Уæд ын уыди капитаны цин. Фæстæдæр та йæ аивтой Паддзахы Уланты лейб-гвардийы полкъмæ. 1870-æм азы октябрæй 1881-æм азы декабрьмæ Василий Потто службæ кодта Оренбурджы хъазахъхъы юнкерон училищейы сæргълæууæгæй æмæ нымад уыди Лейб-гвардийы Уралы хъазахъхъы эскадроны сконды. 1877-æм азы февралы йын лæвæрд æрцыд булкъоны цин, 1899-æм азы та сси инæлар-майор. Потто ма акуыста Кавказы æфсæддон зылды штабы цур æфсæддон-историон хайады сæргълæууæгæй. Отставкæйы рацыди инæлар-лейтенанты цинимæ.

Æддаг æрмæг[ивын | Бындур ивын]