Едыс

Хъæу Едыс Едыс Паддзахад Хуссар Ирыстон Район Дзауы район Координатæтæ 42°32′10″ ц. у. 44°12′47″ с. д. Центры бæрзæнд 1940 м Цæрджытæ 14 адæймаджы (2015) Сахатон таг UTC+3, сæрды UTC+4  Викикъæбицы медиа

Едыс (уырыс. Едис, гуырдз. ედისა) у Хуссар Ирыстоны Дзауы районы хъæу. Ис Урстуалты.

Истори

Едысы, æвæццæгæн, XV æнусы æрцардысты Беджызатæй дыууæ æфсымæры. Уыдон æрлыгъдысты Цæгат Ирыстонæй Дæргъæвсы комæй Хынцæджы хъæуæй. Æрбаййæфтой йæ æдзæрæгæй. Йæ хъæдты уæлвæзты бирæ уыд алыхуызон сырдтæ æмæ мæргътæ. Ивгъуыд æнусы æстайæм азты дæр ма Едысы цардысты 25 хæдзары, — фыста «Рæстдзинад»-ы газеты Беджызаты Амилбар — Беджызатæ уыдысты 7 хæдзары, Басатæ — 3, Дзестæ — 3, Дзукъатæ — 2, Мамиатæ — 2, Мæхъитæ — 2 æмæ Гугкатæй — 1 хæдзар. Едысы æппæт Урстуалтæн уыд хъæууон совет, астæуккаг скъола, аргъуан. Сæ сæйраг бæрæгбон — Тбау-Уацилла.

Мыггæгтæ

Цардысты дзы Беджызатæ, Дзестæ, Дзукъатæ, Гугкатæ, Басатæ, Мæхъитæ, Мамитæ, Абегатæ.

Беджызатæ Едысмæ бафтыдысты æппæт мыггæгтæй раздæр Тæгиаты комы Цæгат Хынцæгæй. Мамиатæ Едысмæ афтыдысты Нары комæй. Дзукъатæ æмæ Мæхъитæ Едысмæ балыгъдысты Челиаты комæй.

Зындгонд едысæгтæ

• Беджызаты Чермен (1898—1937) — ирон фыссæг
• Дзесты Куыдзæг (1905—1981) — ирон фыссæг

Къамтæ

Едысы ныхас

Литературæ

• Агънаты Æхсар Иуæй-иу дзырдты равзæрд. — Дзæуджыхъæу: Ир, 1993. — Ф. 143–144.
• Цгъойты Хазби. Урстуалтӕ // «Рæстдзинад», №182, 2019 азы 8 октябр
• Цховребова З. Д. Ойконимия Осетии. Юго-Осетинский научно-исследовательский институт им. З. Н. Ванеева. Цхинвал, 2003. 63 С.

Æрвитæнтæ

• Хъӕуӕй хъӕумӕ. Едыс