Арсанов, Саидбей Арсаны фырт
| Саидбей Арсаны фырт Арсанов | |
|---|---|
| Райгуырды датæ | 1889-æм азы 2 октябры |
| Райгуырæны бынат | |
| Мæлæты бон | 1968-æм азы 12 июлы (78 азы) |
| Архайды хуыз | фыссæг |
| Сфæлдыстады азтæ | 1926 — |
| Жанр | радзырд[d], повесть[d] æмæ роман[d] |
| Уацмысты æвзаг | цæцæйнаг æвзаг |
Арсанов Саидбей Арсаны фырт (райгуырдис 1889-æм азы 2 октябры Ног Атагийы хъæуы — амардис 1968-æм азы 12 июлы) уыдис цæцæйнаг фыссæг, Цæцæн-Мæхъхъæлы АССР-йы Фысджыты цæдисы сæрдар.
Цардафыст[ивын | Бындур ивын]
Саидбей Арсанов райгуырдис Ног Атагийы æххуырст зæхкусæджы хæдзарæн 1889-æм 2 октябры[1]. Цыппар къласы ахуыр каст фæци Дзæуджыхъæуы.
Йæ ахуыр адарддæр кодта Одессæйы электротехникон училищейы, стæй та — Бетъырбухы политехникон институты.
Студентты змæлдты кæй архайдта, уый тыххæй йæ раппæрстой университетæй æмæ цæрынмæ ацæуын кодтой Вяткæйы губернæмæ. Уырдыгæй йæ бон баци Германмæ ацæуын, фæсарæны куыста заводы.
Фыццаг дунеон хæст куы райдыдта, уæд Арсанов раздæхтис Уæрæсемæ. Мидхæсты заман тох кодта Колчакæн йæ Уырыссаг армийы ныхмæ. 1921-æм азæй куыста Цæцæны. 1925-æм азы фыццаг цæцæйнаг газет «Серло»-йы бындур сæвæрдта. 1930-æм азы сси Грознайы пролетарон фысджыты ассоциацийы фыццаг уæнгтæй иу. 1925—1933 алыхуызон бынæтты куыста Цæцæны, стæй та сси Цæцæны автономон облæсты минæвар Советон Цæдисы ВЦИК-ы цур. 1936—1937 уыд Цæцæны зонадон-иртасæн институты сæргъы.
1937-æм азы Арсановы æрцæхстой æмæ стæрхон кодтой Колымамæ арвитын. Йе ’мгъуыд куы фæцис, уæд 1945-æм азы æрцардис Алматыйы, йæ депортацигонд мыггаг кæм цардис, уыцы ран. Уым æзвæрстæуыд Алма-Атайы сахары советы уæнгæй. 1957-æм азы сыздæхтис Кавказмæ, слæууыдис Цæцæн-Мæхъхъæлы фысджыты цæдисæн йæ сæргъы. 1959-æм азæй иста пенси.
Фыссæг Арсановы ном хæссы Грознайы уынгтæй иу.
Уацмыстæ[ивын | Бындур ивын]
- Держи крепко своё сердце. (Главы из романа «Держи крепко своё сердце») // Грозненский рабочий. 1930. 22 май — 8 июнь.
- Аул и люди (Главы из романа «Держи крепко своё сердце») // Революция и горец. 1930. № 1. С. 70-78; № 2. С. 63-69.
- За невестой, Земли ему (Главы из романа «Держи крепко своё сердце»). «Революция и горец», 1930, № 8, стр. 67-72.
- 905-й год (Отрывок из романа «Держи крепко своё сердце») // Грозненский рабочий. 1935. 22 — 29 сент.
- Расправа в тюрьме. Главы из романа «Держи крепко своё сердце» // Грозненский рабочий, 1935, 2-6 окт.
- Суд (Отрывок из романа «Когда познается дружба»). // Къинхьегаман байракх. 1956. 17 май.
- Когда познается дружба (Отрывок из одноименного романа) // Грозненский рабочий. 1957. 26 февр.
- Слово о матери (Отрывок из романа «Когда познается дружба») // Грозненский рабочий. 1960. 17 нояб.
- Когда познается дружба. Роман. Алма-Ата, 1956.
- Когда познается дружба. Книга 1. Гр., 1960.
- Когда познается дружба. Роман. Гр., 1963.
- Ононди. Рассказ // На Севере Дальнем. 1964. № 2.
- Серебристая улыбка. Очерки и рассказы. Гр., 1965.
- О верном друге. Роман. М., 1968.
- О близком и далеком. Рассказы и очерки. Гр., 1969.
- Избранное. Когда познается дружба. Роман. М., 2009.
Литературæ[ивын | Бындур ивын]
- Адиз Кусаев. Писатели Чечни. Грозный. ГУП «Книжное издательство», 2005, 410 с. Тираж 2000.
- Равзан Юнусова. Жизнь, отданная развитию литературы и культуры народа. Вести республики. № 204, 16 октября 2009. С. 2.
- Яблокова Г. И. Саид-Бей Арсанов и его книги // У истоков книги. — Грозный: Книга, 1990.