Андерсен, Ганс Христиан
Ганс Христиан Андерсен (1805 азы 2 апрелы Оденсе – 1875 азы 4 августы Копенгаген) уыдис даниаг фыссæг. Кæд ма фыста пьесæтæ, бæлцыты афыстытæ, новеллæтæ æмæ æмдзæвгæтæ, Андерсен фылдæр зындгонд у йе ’ргъæутты фæрцы. Андерсены сфæлдыстад канд сывæллæттæ нæ уарзынц, фæлæ ма алы кары адæймæгтæ дæр дуней бирæ бæстæты.
Æдæппæт Андерсены æргъæуттæ сты æппынкъаддæр 3381[1], уыдонæй иуæй-иутæ тæлмацгонд æрцыдысты 125 æвзагмæ,[2] æмæ систы бирæ нациты иумæйаг зонды хай.
Æппæты зындгонддæр æргъæутты ’хсæн сты «Къаролы ног дзаумæттæ», «Булæмæргъ» «Чысыл доны чызг», «Митын æхсин», «Фыдуынд бабызы цъиу»[3] æмæ ма æндæртæ. Сæ сюжеттæм гæсгæ æвæрд цæуынц спектакльтæ, балеттæ æмæ кинонывтæ дæр.[4] Ирон æвзагмæ Андерсены таурæгъты раивын байдыдта Æмбалты Цоцко, «Митын æхсин» йæ тæлмацы мыхуырæй рацыдис 1923-æм азы[3].
Бæлцытæй хабæрттæ[ивын | Бындур ивын]
1851-æм азы рухс федта Андерсены бæлцы чиныг «Швецийы». Фæстæдæр ныффыста цалдæр иннæ бæлцы чиныджы дæр: Австри, Швейцари, Испани æмæ Португалийы тыххæй. Иуæй-иу бæлцы чингуыты мидæг дæр бакодта бынæттон æргъæуттæ.
|
Ацы статья адæймаджы тыххæй къæртт у, ома æрдæгцæттæ. Википедийæн баххуыс кæн æмæ ацы статья раст æмæ стырдæр скæн. |
Фиппаинæгтæ[ивын | Бындур ивын]
- ↑ Centrets vision og mission - H.C. Andersen Centret
- ↑ http://cphpost.dk/news/international/unknown-hans-christian-andersen-fairy-tale-discovered
- ↑ 3,0 3,1 Елизавета Борисовна Дзапарова Художественный перевод в осетинской литературе: проблема адекватности переводных текстов. — ИПЦ СОИГСИ ВНЦ РАН и РСО-А, 2014. ISBN 978-5-91480-219-3
- ↑ Elias Bredsdorff Hans Christian Andersen: the story of his life and work 1805–75. — Phaidon, 1975. ISBN 0-7148-1636-1
