Vk.com

Сæрибар энциклопеди Википедийы æрмæг.
ВКонтакте-йы ирон æвзагыл интерфейс (Википедийы ирон хайады къорд)
Æвзаг баив — иронау[3]

Vk.com (Vkontakte.ru, уырыс. ВКонтакте) у Уæрæсе æмæ Украинæйы æппæты популярондæр социалон хыз, дунейы 39-æм популярондæр сайт[1]. Регистрацигонд архайджыты нымæц у 100 милуанæй фылдæр.

ВКонтакте-йы тæлмац ирон æвзагмæ[ивын]

Ирон интернет-активистты хъæппæрисæй 2009-æм азы райдыдта ВКонтакте ирон æвзагмæ тæлмацыл куыст. Фыццаг фыстæг ацы идейæимæ ВКонтакте-йы:

«

Аслан Кудзаев 2008-æм азы 28 июл, 13:56 — Не знаю обсуждалась ли эта тема на каких-нибудь форумах на этом сайте, но я решил предложить всем желающим перевести на осетинский язык сайт www.vkontakte.ru Для этого как я понимаю нужно 4–5 энтузиастов. Один (я т.е.) уже есть :-) [2]

»

Фæстæдæр фæзындис сæрмагонд къорд кæм сæмбырд ис тæлмацгæнджыты актив, уым цæуынц тæрхæттæ терминологийы æмæ цухдзинæдты фæдыл.[3] Вячеслав Ивановы æххуысæй фæзынд бастдзинад сайты администрацийымæ, у сайт ирон æвзагмæ тæлмацгæныны системæйы администратор. Дарддæр куысты рæстæджы дæр Вячеслав дары бастдзинад сайты хицауадимæ, хæццæ сæм кæны техникон проблемæты фæдыл фæрстытæ.

Уыцы куыстыл бацархайдтой Ирон Википедийы иуæй-иу архайджытæ дæр. Тæлмацгæныны бар кæмæ уыдис уыдонæй уæлдай сбæрæг кæнын ис цалдæры[4]

  • Вячеслав Иванов
  • Джанайты Цæра
  • Кудзаты Аслан
  • Ларионты Тамерлан[5]

2010-æм азы 27 мартъийы ирон интерфейс скуыста. Дарддæр цæуы йæ цухдзинæдтæ аиуварс кæныныл куыст.

Фиппаинæгтæ[ивын]

  1. Alexa Top 500 Global Sites
  2. [1] Идейæйы фыццаг загъд
  3. [2]Фыццаг фыстæг ВКонтакте тæлмац кæныны тыххæй арæзт сæрмагонд къорды.
  4. Чи бахаста тæлмацмæ уæлдай фылдæр ивддзинады
  5. http://www.ironau.ru/vkos.html

Æрвитæнтæ[ивын]