Урс хæдзар

Сæрибар энциклопеди Википедийы æрмæг.
Урс хæдзар

Урс хæдзар (англ. the White House), зæгъгæ, афтæ хуындæуы АИШ-ы президенты цæрыны æмæ кусыны агъуыст сахар Вашингтоны.

Урс хæдзар арæзт у палладион стилмæ гæсгæ (архитектор Джеймс Хобан). Аразын æй райдыдтой 1792-æм азы, æмæ 1800-æм азы 1 ноябры агъуыст уыди цæттæ. Уыцы бон йæ фыццаг хицау ссис АИШ-ы дыккаг президент Джон Адамс.

Райдианы йæ хуыдтой «Президенты галуан», термин «Урс хæдзар»-æй та фыццаг хатт спайда чынди 1811-æм азы. Фæлæ ацы ном официалон хуыз райста æрмæст 1901-æм азы, президент Теодор Рузвельты баруынаффæмæ гæсгæ.

1909-æм азæй президенты кусæнуат у, бæстыхайы галиу хайы чи ис, уыцы Дæргъдымбыл кабинет.

Урс хæдзар нывгонд æрцыд 20 доллæры банкнотæйыл.