Вашингтон (сахар)

Сахар Вашингтон англ. Washington Вашингтон Тырыса Герб Паддзахад АИШ Зылд Колумбийы зылд Координатæтæ 38.895, -77.03666738°53′42″ ц. у. 77°02′12″ н. д.38.895° ц. у. 77.036667° н. д.   Бындурæвæрд 1790 Фæзуат 177 км² Центры бæрзæнд 125 м Цæрджытæ 588 292 адæймаджы (2007) Агломераци 5 300 000 Сахатон таг UTC-5, сæрды UTC-4 Телефонон код 202 Сайт http://www.dc.gov/ (англ.) Вашингтон ВикиКъæбицы

Капитолий

Вашингтон (англ. Washington, D.C.) у АИШ-ы сæйраг сахар (1800-æм азæй). Административон æгъдауæй хауы Колумбийы зылдмæ.

Цæрджыты нымæц: 582 мины бæрц.

Географи

Сахар лæууы АИШ-ы цæгат-скæсæйнаг хайы, цæугæдон Потомакы былгæрон. Æмарæн у штаттæ Мэриленд æмæ Виргиниимæ.

Административон арæзт

АИШ-ы конституци æмæ Резиденцийы закъонмæ гæсгæ Колумбийы Зылдæн ис федеративон паддзахады сæйраг сахары статус.

Раздæр сахарæн разамынд лæвæрдта АИШ-ы Конгресс, фæлæ 1973-æм азы разамынды æххæстбартæ лæвæрд æрцыди сахары хицауадæн — мэр æмæ сахары уынаффæдонæн. Фæлæ уæддæр Конгрессæн ис бар, сахары хицауад кæй сфидар кодта, цыфæнды ахæм официалон акт кæнæ закъон нæ райсын, кæнæ йæм ивддзинад бахæссын.

Кæй зæгъын æй хъæуы, уый алкæд сахайрæгты зæрдæмæ нæ цæуы.

АИШ-ы минæвæртты палатæйы (уырыс. палата представителей США) куысты архайы Колумбийы зылды минæвар, фæлæ йын нæй хъæлæс кæныны бар.

Сенаты зылды минæвар нæй. Президенты æвзæрстыты Вашингтоны цæрджытæн ис æвзæрстгæнджыты æртæ хъæлæсы.

Сахайрæгты ’хсæн популярон у штаты æппæт бартæ сахарæн раттыны идейæ, фæлæ Конгресс уыцы фæтк сфидар кæныны резолюцитимæ разы нæ кæны.