Орджоникидзе, Серго

Сæрибар энциклопеди Википедийы æрмæг.
Орджоникидзейы къам
Орджоникидзейы амарды хабар. Журнал «Мах дуг», 1937/1.

Орджоникидзе Константины фырт Григол (Серго) (гуырдзиагау სერგო ორჯონიკიძე; 18861937) уыд зындгонд революционер. Уæзданы фырт, уый бацыд большевикты партимæ 1903-æм азы. Кировы хæстæг лымæн уыд.

1907 азы, Бакуйы ахæстоны бандитизмы тыххæй зылынгондæй бадгæ, Орджоникидзе базонгæ и Кобаимæ (Сталины уæды фæсномыг)[1].

Мидхæсты рæстæг Орджоникидзе бирæ бацархайдта советон хицауад Цæгат Кавказ æмæ Фæскавказы сфидар кæныныл. Уый уыд советон политиктæй, æнæхъæн адæмттæ æндæр ранмæ чи фæлидзын кодта, фыццаг ахæм лæг, — 1918-æм азы йæ хъæппæрисæй Сунжæйы хъазахъ депортацигонд æрцыдысты, сæ зæхх та радтой мæхъхъæлон адæмæн.

Фæскавказы Советон Федеративон Социалистон Республикæйы арæзтадыл куыста.

1926-æм азы уыдис большевистты партийы Цæгат Кавказы крайкомы сæйраг секретарь (уыцы бынтаы уый аивта Анастас Микояны).

1937-æм азы Орджоникидзе сфæнд кодта Сталины критикæ кæнын. Фæлæ йæ критикон ныхас нæма цæттæ уыд, афтæмæй Серго ссардæуыд мардæй. Хицæуад фехъуысын кодта, Серго Орджоникидзе йæхи амардта[2], зæгъгæ, фæлæ йæ амарды æцæг аххос ничи зоны. Йæ амарды бонмæ Серго Орджоникидзе уыдис уæззау индустрийы адæмон комиссар.

1937—1938 азты йæ хæстæджытæ дæр репрессигонд æрцыдысты, уыдонимæ йæ хистæр æфсымæр, партимæ йын рекомендаци чи радта.

Орджоникидзейы ном дардтой Советон Цæдисы бирæ цæрæнрæттæн, уыдоны ’хсæн Дзæуджыхъæу дæр. Нырыккон Уæрæсейы стырдæр хъæу — Мæхъхъæлы Республикæйы станицæ Орджоникидзевская — ныр дæр хæссы революционеры ном.

Фиппаинæгтæ[ивын]

  1. ПАМЯТИ ТОВАРИЩА ОРДЖОНИКИДЗЕ // Известия, 19 февраля 1937 г.
  2. Фыццаг хъусынгæнинæгты фыстой «зæрдæйы параличæй æвиппайды амардис» («Мах дуг», 1937/1).