Енисей

Сæрибар энциклопеди Википедийы æрмæг.

Енисей (эвенк. Ионесси «стыр дон», хак. Ким, тув. Улуг-Хем «разагъды дон», нен. Енся’ ям’) — Сыбыры цæугæдон, дунейы стырдæр дæттæй сæ иу. Бахауы Цæгатихон фурды Карæйы денджызмæ. Йæ дæргъ у - 3487 км.

Енисей

Ном[ивын]

Йæ ныры ном ыл бафидар ис эвенкаг ныхас «Ионесси» — стыр дон, зæгъгæ. Сыбырæгтæ ма йæ Енисей-Дада дæр фæхонынц.

Географи[ивын]

Дунейы стырдæр дæттæй иу: Стыр æмæ Чысыл Енисейтæ кæм баиу вæййынц, урдыгæй у — 3487 км, Чысыл Енисейы гуырæнæй — 4287 км, Стыр Енисейы гуырæнæй та — 4123 км. Донвæндаджы дæргъ: ИдэрСеленга — цад БайкалАнгараЕнисей у 5075 км. Сæ бассейнты фæзуæттæ абаргæйæ (2580 мин км²), Енисей ахсы 2-аг бынат Уæрæсейы цæуæгæдæтты 'хсæн (Обы фæстæ) æмæ 7-æм бынат дунейы дæтты 'хсæн. Енисейы бассейнæн характерон у цæхгæр ассиметриад: йæ рахизбыл у 5,6 хатт бæрзонддæр йæ галиубыл фарсæй. Енисей у æрдзон арæн Скæсæн æмæ Ныгуылæн Сыбыртæн. Галиубыл Енисейæн кæрон ссары Ныгуылæн-Сыбырон тыгъдад, рахизбыл та у хæххон тъайгайы дæлбар. Саянтæй Цæгатихон фурдмæ, Енисей ацæуы Сыбыры алы климатон зонæты. Йæ донгуырæны цæрынц теуатæ, йæ донæфтæны та урсæрсытæ.