Архонскæй

Сæрибар энциклопеди Википедийы æрмæг.

Станицæ

Архонскæй
уырыс. Архонская

Паддзахад	Уæрæсе
Федерацийы субъект	Цæгат Ирыстон
Муниципалон район	Горæтгæроны район
Координатæтæ	43°07′00″ ц. у. 44°31′00″ ск. д. ^(G)
Администрацийы сæргълæууæг	Александр Лысоконь
Бындурæвæрд	1838
Цæрджытæ	▼ 7 851 адæймаджы (2005)
Националон сконд	уырыссæгтæ (70%) ирæттæ (27%)
Сахатон таг	UTC+3, сæрды UTC+4
Телефонон код	86739
Посты индекстæ	363120
Автомобилон код	15

Архонскæй ВикиКъæбицы

Архонскæй (уырыс. Архонская, Архонка дæр) у Цæгат Ирыстоны Горæтгæрон районы станицæ Джызæлдоны былтыл, кæддæры Орджоникидзейы районы административон центр. Цæрынц дзы 7,8 мин адæймаджы (2005).

Станицæйы бындур сæвæрдтой Малороссиаг хъазахъхъаг полчы хъазахъхъæгтæ 1838 азы^[1]. XIX æнусы дзы куыста æмбæрзæн агуритæ уадзæн завод, цæугæдоныл цалдæр куыройы.

Станицæйы æфсæддонты ’хсæн уыдысты Георгийы дзуары æртæ æххæст кавалеры: Сергей Богомаз, Илларион Бондарев, Стефан Калашников. Революцийы фæстæ архонскæйæгтæ хæцыдысты большевикты ныхмæ. 1920 азы станицæйы атаман Павел Василенко кæдæмдæр фесæфти æмæ фæстæдæр большевикты цур скуыста. 1920 азы 18 январы хъазахъ равзæрстой Григорий Кикоть куыд сæ ног атаман. Афтæмæй Кикоть сси Архонскæйы фæстаг атаман. Уыцы азы 24 мартъийы сырхæфсæддонтæ байстой станицæйы.

Станицæйы цæрджытæй 70% сты уырыссæгтæ (сæ фылдæр хъазахъхъаг равзæрдæй), 27% — ирæттæ, 3% — иннæтæ^[2].

[баив æй] Культурæ

Архонскæйы ис Культурæйы хæдзар, сывæлæтты музыкалон скъола, библиотекæ æмæ Спорты галуан.

Архонскæйы хъазахъхъæгтæ хъахъхъæнынц сæ зарæджы традицитæ: ис дзы дыууæ зындгонд коллективы — Хъазахъхъаг адæмон хор æмæ Хъазахъхъаг зарæджы ансамбль «Станицæ».