Хъаныхъуаты Ларисæ

Сæрибар энциклопеди Википедийы æрмæг.
Перейти к навигации Перейти к поиску
Хъаныхъуаты Ларисæ
Райгуырды датæ 1951-æм азы 11 июлы(1951-07-11) (71 азы)
Райгуырæны бынат
Бæстæ Советон Цæдис Советон Цæдис
Уæрæсе Уæрæсе
Професситæ композитор, педагог
Сфæлдыстады азтæ 1969
Инструменттæ фортепиано
Хорзæхтæ
заслуженный деятель искусств Российской Федерации

Хъаныхъуаты Харитъоны чызг Ларисæ (райгуырдис 1951-æм азы 11 июлы Дзæуджыхъæуы) у советон æмæ уæрæсейæг композитор, педагог, Республикæ Цæгат Ирыстон—Аланийы композиторты цæдисы ныхасы сæрдары хæдивæг. Уæрæсейы Федерацийы аивады сгуыхт архайæг (1993). ССРЦ-йы композиторты цæдисы уæнг 1975-æм азæй.

У 3 симфонийы, 5 кантаты, бирæ хорон. вокалон, инструменталон циклты, камерон æмæ программон зæлвидыц, кино æмæ спектаклтæн зæлвидыцы автор.

Цардафыст[ивын | Бындур ивын]

Каст фæци Дзæуджыхъæуы зæлвидыцон ахуырдон, стæй та ахуырмæ бацыд Мæскуыйы консерваторимæ композицийы факультетмæ, Арам Хачатуряны къласмæ.

1975-æм азы сгуыхтæй каст фæци консерватори, йæ дипломон куыст уыд «Бæрæгбонон увертюрæ», æмæ уый æххæст уыд Мæскуыйы паддзахадон симфонион оркестрæй Дудараты Вероникæйы сæрдариуæджы бын, Мæскуыйы консерваторийы Стыр залы.

1975-æм азы райстой йæ ССРЦ-йы композиторты цæдисмæ.

1982—1985 азты ахуыр кодта Мæскуыйы консерваторийы аспирантурæйы, амыдта дзы профессор А. С. Леман.

Хъаныхъуаты Ларисæ уыдис бирæ æвзонг композиторты конкурсты жюрийы уæнг.

2004-æм азæй у директор æмæ аивадон сæргълæууæг уымæй арæзт Паддзахадон композицийы зæлвидыцон скъолайы сахар Дзæуджыхъæуы.[1]

Цæры æмæ куысы Дзæуджыхъæуы.

Хорзæхтæ[ивын | Бындур ивын]

  • УФ-ы сгуыхт аивады архайæг (1993)
  • ЦИ АССР-ы сгуыхт аивады архæйæг (1986)
  • I Æхсæнадæмон композиторты конкурс Берны лауреат (Швейцари, 1990)

Фиппаинæгтæ[ивын | Бындур ивын]

Æрвитæнтæ[ивын | Бындур ивын]