Фидараты Руслан
Фидараты Руслан (райгуырдис 1959-æм азы, Зæронд Бæтæхъойыхъæуы) у ирон поэт æмæ нывгæнæг.
Руслан райгуырдис Зæронд Бæтæхъойыхъæуы. Бакастис Дзæуджыхъæуы аивæдты училищейы, стæй йæм фæсидтысты æфсадмæ. Ирыстонмæ куы сыздæхтис, уæд куыста нывгæнæгæй. Бирæ хæрзты бацыдис чиныгуадзæн «Ир»-æн, журнал «Ногдзау»-æн.
Хъодзаты Æхсар ахæм аргъ кæны Русланы поэтикон фæлварæнтæн[1]:
|
Фидараты Руслан йæ сæйраг хъуыддагыл нывгæнæджы куыст нымайы. Фæлæ, куыд фæзæгъынц, сусæг-æргомæй йæ тыхтæ фæлвары литературæйы дæр. Æмæ йын дзæбæх æнтысы. Поэзийы «æртæ пылыл» æнцайы (сыгъдæг монц-æнкъарæн, хъуыды æмæ хæдхуыз фæлгонц), уыдон ын бæлвырдæй рахатæн ис йе ’мдзæвгæты. Поэзийы хуымы, Къостайы загъдау, йæ риуыгъд — бæрæг. Фыссы, йæ зæрдæ йын цы дзуры, æрмæст уыдæттæ, фыссæнгарз æнæбары нæ райсы йæ къухмæ. |
|
Уацмыстæ[ивын | Бындур ивын]
- Арфæ. Æмдзæвгæтæ, Дзæуджыхъæу, 2003;
- Ныхас. Æмдзæвгæтæ, Дзæуджыхъæу, 2007.
Фиппаинæгтæ[ивын | Бындур ивын]
- ↑ Журнал «Мах дуг», 2008, №10