Уæрæсейы Федерацийы социалон картæ

Сæрибар энциклопеди Википедийы æрмæг.

Уæрæсейы Федерацийы социалон картæ – информацион-аналитикон интернет-портал, кæцы фæлгæсы социалон тынгады бæрц Уæрæсейы регионты. У Уæрæсейы Федерацийы Æхсæнадон палатæйы æмæ Æнæниздзинады министрады иумæйаг проект. Проекты автор у Паддзахадон думæйы æхсæзæм æрсидты депутат, æхсæнадон архайæг Еленæ Николаева.

Истори[ивын | Бындур ивын]

Сайт фæзындис 2011-æм азы. Портал скæныны хъуыды æрцыд Еленæ Николаевамэ. Проекты сæргълæууæг сси Светланæ Заякина.

Æндæр æмæ æндæр рæстæджы аналитикон æрмæджытæ сайтæн фыстой Ефим Рачевский, Евгений Велихов, Александр Гезалов, Максим Топилин æмæ æндæртæ.

2012-æм азы проект банымадтой Уæрæсейы «социалон амалхъомады фадыджы егъаудæр проектыл». Порталы идеон разæнгардгæнæг Еленæ Николаева та уыд хорзæхгонд преми «Хæрзгæнæн импульс»-æй (уырыс. «Импульс добра»)[1].

Проект куыд кусы[ивын | Бындур ивын]

Сайтмæ гæсгæ, порталы сæйраг нысан у равдисын Уæрæсейы цæрæг адæмы социалон уавæры ивддзинæдтæ, ахъаз кæнын хицауады информацион гомдзинадæн æмæ диалогæн, бизнес æмæ граждайнаг æхсæнады. Сайты ис ссырын алы регионы рæстæгæй домгæ социалон проблемæты информаци, æркæсын регионты алыхуызон социалон здæхты рейтингтæм.

Порталы ис ссарын ахæм информаци (æххæст номхыгъд нæу):

  • Уæрæсейы алы регионы социалон службæты контактытæ;
  • алы регионы нормативон æмæ барадон базындтæ;
  • социалон куыстæн цы фæрæзтæ радих кодтой алы регионы, уый;
  • алы регионы социалон дзæбæхдзинады базындтæ;
  • социалон фадыджы ваканситы уæвындзинад;
  • алы регионы æппæт социалон инфраструктурæйы тыххæй базындтæ.

Сайты информаци фæзыны федералон æмæ регионалон Дзыллон информацийы мадзæлтæ хæдархайгæ мониторингы фæрцы. Уымæ гæсгæ сайты интерактивон картæйыл регионтыл «ссудзы» сырх кæнæ цъæх «цырагъ». Уый у нысан негативон кæнæ позитивон социалон фæзындты тыххæй.

Сайтæй чи пайда кæны, уыдонæн ис бар комментари дæттын закъоны проектытæн, кæцытæ цæуынц æхсæнадон иртæст Æхсæнадон палатæйы, хъусын кæнын ныры хицауады барсæттæнты тыххæй. Уымæй уæлдай, специалистмæ ис комкоммæ фæсидын уынаффæ райсынмæ кæнæ форумы фæрцы фехъусын кæнын дæ райхалинаг фарст Уæрæсейы Федерацийы Æхсæнадон палатæйы эксперттæм.

Хæстæг проекттæ[ивын | Бындур ивын]

Порталæн ис цалдæр хæстæг проекты. Æппын фыццаг, уый у социалон проектты æппæтуæрæсеон фестиваль «СоДействие», кацыйæн æххуыс кæнынц Уæрæсейы Президенты граждайнаг æхсæнад тынгады æмæ адæймаджы бартæ хъхъхъæныны Совет, Уæрæсейы Федерацийы фæллойы æмæ социалон хъхъхъæнынады министрад æмæ Уæрæсейы Федерацийы Æхсæнадон палатæ. Дыккаг проект та у «Социалон форум» — æнæсаудæджерон проектты конкурс.

2011-æм азы форрумы архайдтой Уæрæсейы Олимпиаг комитеты Президент Александр Жуков, экономист Татьянæ Голикова, дохтыр Леонид Рошаль, уацхæссæг Максим Шевченко.

Сервисы критикæ[ивын | Бындур ивын]

Сайт конд уыд куыд егъау проект, кæцы хъуамæ феххуыс кодтаид социалон тынгады Уæрæсейы Федерацийы. Æфтæ рауад æмæ интернетæй пайда чи кæны, уыдоны ’хсæн проект баззад æнæуынгæг. Алыхуызон форумты ис ссарын хуымæтæг æдæмæй хъæнтæ. Дзурынц, «Уæрæсейы Федерацийы социалон картæ»-йы хабæрттæ сайтмæ æфтауы удæгас адæймаг нæ, фæлæ компьютер. Уый хорзырдæм нæ разынд сайты куыстыл. Уымæй уæлдай, сайтæй пайда чи кæны, уыдоны мæсты кæны паддзахад портал скæнынæн цы фæрæзтæ радих кодтой, уыдоны бæрц[2].

Æддаг æрмæджытæ[ивын | Бындур ивын]

Фиппаинæгтæ[ивын | Бындур ивын]

  1. Лауреаты премии, Официальный сайт премии «Импульс добра». Архивгонд æрцыдис 12 июлы 2014 азы.
  2. Обсуждение сайта, Первый российский интернет-портал для инвалидов.