Удæвдз
(Стъили-æй æрвыст)
Удæвдз[1] кæнæ стъили[1] у фугæнгæ чысылгомау музыкалон инструмент.
Арæзтой йæ уагъылыйы талайæ æмæ уыдис дыууæ хуызы: иу хæтæлджын æмæ дыууæ хæтæлджын. Цалынмæ ирон адæммæ хъандзал фæндыр нæ фæзындис, уæдмæ кафыдысты стъилийы цагъдмæ.[2]
Удæвдз нарты кадджыты
[ивын | Бындур ивын]Нарты кадджыты диссаджы уадындз, йæхæдæг йæхи æгъдауæй алы зарджытæ чи кодта, ахæм. Уæларвон куырд Куырдалæгон Уæрхæджы фырттыл куы сæвæрдта нæмттæ: Æхсар æмæ Æхсæртæг, уæд ын номæвæрæджы лæварæн радта Удæвдз йæ куырдадзы фæтыгæй, болат æндонæй арæзт. Удæвдз Нарт сæвæрдтой сæ фынгыл, æмæ сын кодта диссаджы зарæг уадындз хъæлæсæй: «Айс æй, аназ æй, Хуыцауы хæларæй, Айс æй, аназ æй, — ронджы нуазæн!»[3]
Фиппаинæгтæ
[ивын | Бындур ивын]- 1 2 Алборов Ф.Ш. Музыкальная культура осетин — Владикавказ: Ир, 2004 — 192 с.
- ↑ Дзадзиты А., Дзуццаты X., Хъараты С. Ирон адæмы этнографи æмæ мифологи. Цыбыр дзырдуат. Дзæуджыхъæу. 1994. — 284 с.
- ↑ Цгоев Х.Ф. Словарь осетинской мифологии и уклада жизни. — 2 издание, дополненное и исправленное — Владикавказ: СОИГСИ ВНЦ РАН, 2017. — 753 с.
 |
Ацы уац къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |
