Стерлитамачы район

Стерлитамачы район
башк. Стәрлетамаҡ районы
уырыс. Стерлитамакский район

Тырыса	Герб
Паддзахад	Уæрæсе
Статус	Муниципалон район
Кæй сконды у	Башкортостан
Йæ дæлхæйттæ	27 хъæууон цæрæнраны
Административон центр	Стерлитамак
Цæрджытæ (2017)	↗42 281
Националон сконд	уырыссæгтæ, башкирæгтæ, тæтæйрæгтæ, чувашæгтæ
Фæзуат	2 216 км² (24-æм бынат)
Сахатон таг	MSK+2 (UTC+5)
Викикъæбицы медиа

Стерлитамачы район (башк. Стәрлетамаҡ районы, уырыс. Стерлитамакский район) у муниципалон район Башкортостаны Республикæйы сконды. Районы администраци у Стерлитамачы, фæлæ уыцы сахар йæхæдæг у хицæн муниципалон иуæг — «сахарон зылд Стерлитамак».

Муниципалон районы фæзуат у 2227 км². Ис дзы 111 цæрæнраны, уыдонæй стырдæртæ: Куганак, Наумовкæ, Рощинский, Загородное æмæ Отрадовкæ.

Район у хъæздыг саумæр зæххытæй, хъæды фæзуат 5,1% у.

Цæрджытæ

2006-æм азы 1 январы цæрджыты нымæц уыд 35 281. Районы цæрынц уырыссæгтæ (36,5 %), башкирæгтæ (23 %), тæтæйрæгтæ (23 %) æмæ чувашæгтæ (14,7 %).

Экономикæ

Районы экономикæйы тыхджындæр къабæзтæ сты хор тауын, хурмæзилæг, картоф æмæ халсартæ рæзын кæнын. Дарынц дзы стур, хуытæ æмæ мæргътæ.

Хъæууонхæдзарадон зæххытæ ахсынц 186,1 мин га (районы 83,6 %), уымæй 142,5 мин га сты хуымтæ.

Культурæ

Культурæйы сæйрагдæр артдзæст у районы Культурæйы галуан, 1991-æм азæй у хъæу Загородныйы. Уый йеддæмæ кусынц 29 культурæйы хæдзары, дæс хъæууон клубы.

Районы цæрджыты ’хсæн райтынг ис аивадон хæдархайд. «Адæмон коллективы» хуындад райстой уырыссаг зарæджы хор «Родники» («Суадæттæ»), чувашаг зарæджы ансамбль «Парне» («Лæвæр»), тæтæйраг зарæджы ансамбль «Ядкарь», кафты коллектив «Миляш», уырыссаг зарæджы ансамбль «Уральская рябинушка» («Уралы цъуй»), тæтæйраг зарæджы ансамбль «Гузель», уырыссаг зарæджы ансамбль «Рязаночка», мордоваг этнографион ансамбль «Вастома» («Фембæлд»).

Æддаг æрмæг

• Муниципалон районы официалон сайт
• Башкортостаны Республикæйы сайты хай районы тыххæй