Къаболаты Валери
| Къаболаты Валери | |
|---|---|
 | |
| Райгуырды датæ | 1958-æм азы 11 октябры (65 азы) |
| Райгуырæны бынат | |
| Æмбæстонад | |
| Куысты мыггаг | политик |
| Æмкъай | Къаболаты Маринæ |
Къаболаты Владимиры фырт Валери (райгуырдис 1958-æм азы 11 октябры Хæтæлдоны, Алагиры районы ЦИАССР, УСФСР, ССРЦ) — амалиуæгдар, æхсæнадон архайæг. Мæскуыйы ирон æхсæнады Советы сæрдар (националон-культурон æхсæнадон организаци) 2004 азæй 2015 азмæ. Организаци РКНК-йы (Кавказы адæмты Уæрæсейы Конгресс) æмсæрдар. Фонд «Благотворец»-ы бындурæвæрджытæй иу.
Цардафыст[ивын | Бындур ивын]
Къаболаты Валодяйы фырт Валери райгуырд 1958 азы 11 октябры Хæтæлдоны, Цæгат Ирыстоны Алагиры районы Советон æфсады афицеры хæдзары. Каст фæци горæт Орджоникидзейы 50-æм скъола сызгъæрин майданимæ, 1982 азы та — Мæскуыйы разамынды институт æмæ сси «инженер-экономист по организации управления». У экономикон зонæдты кандидат[1] (йæ диссертаци бахъахъхъæдта 2005 азы, темæ «Демографический потенциал и занятость населения в условиях экономического развития Республики Северная Осетия-Алания»[2]).
1982 азæй 1988 азмæ куыста УСФСР Минавтотрансы хайады цалдар позицитыл: техникон цæстдарды отделы радгæс механикæй, инженер-технологæй, автоколоннæйы сæргълæууæгæй, пъланон-кондады отделы хицауæй, куыстуаты сæйраг инженерæй, кондандон иугонды сæйраг инженерæй[1].
1988 азæй абоны онг у амалиуæгдар. Кодта арæзтадон куыстытæ, уагъта металлоконструкцитæ, девелопмент æмæ консалтингы куыст кодта, хъæууон-хæдзарадон хайады стæй æхсæнадон хæлцады архæйдта[1].
1994 азы æвзæрст æрцыд Мæскуыйы ирон æхсæнады Советы уæнгæй, 2004 азы та — Советы сæргълæууæгæй[1]. Ацы бынатмæ æвзæрст æрцыд фондз хатты æмæ йæ ныууагъта 2015 азы, фæлæ баззад Советы хуымæтæг уæнгæй[3].
90-æм уæззау азты Батырты Ким, Хæблиаты Владислав æмæ Къаболаты Валери сарæзтой фонд «Благотворец», кæцы æхцайы фæрæзты руаджы æххуыс кодта пенсионертæн, иунæгæй чи баззад æмæ Мæскуыйы чи цард, уыдонæн (æппæт адæмы хæтты æмбæстæгтæн)[1]. Фонд куыста 2017-æм азы сентябры онг[4].
Советы сæргълæууæгæй куы куыста, уæд сарæзта материалон преми (1 000 доллæры) алы студентæн дæр, Ирыстонæй чи уыд æмæ институт сырх дипломыл каст чи фæци.
Ис ын бинонтæ: йæ бинойнаг Къаболаты Маринæимæ схъомыл кодта фондз сывæллоны, сæ цоты цот сты цыппар.
Æддаг æрмæг[ивын | Бындур ивын]
- Мæскуыйы ирон æхсæнады Советы куысты тыххæй (видео) (уырыс.)
- Радиоинтервью Къаболаты Валериимæ Архивгонд æрцыдис 21 октябры 2020 азы. (уырыс.). ВестиFM, 2013-æм азы 30 сентябры.