Кочысаты Мухарбег

Кочысаты Мухарбег
Райгуырды датæ	1920-æм азы 1 майы(1920-05-01)
Райгуырæны бынат	Ольгинскæ, Уæрæсе
Мæлæты бон	1944-æм азы 17 апрелы(1944-04-17) (23 азы)
Мæлæты бынат	Ямполы цур, Винницæйы облæст
Æмбæстонад (дæлхицауад)	УСФСР  Советон Цæдис
Архайды хуыз	поэт
Хорзæхтæ

Кочысаты Георгийы фырт Мухарбег (райгуырдис 1920-æм азы 1 майы Ольгинскæйы — амардис хæсты быдыры Украинæйы 1944-æм азы 17 апрелы) уыд ирон журналист æмæ поэт.

Цардафыст

1938-æм азы Мухарбег хорз бæрæггæнæнтимæ каст фæци техникум. Уыцы аз бацыди Цæгат Ирыстоны паддзахадон педагогон институты ирон æвзаг æмæ литературæйы хайадмæ. Ам дæр ахуыр кодта хорз, иста Къостайы стипенди. Æнувыдæй архайдта институты ирон литературон къорды куысты.

Фæмард украинаг сахар Ямполь хъахъхъæнгæйæ. Æртындæс боны фæстæ йыл хъуамæ сæххæст уыдаид 24 азы.

Сфæлдыстад

Поэт Кочысаты Мухарбеджы сæйраг темæтæ уыдысты:

• Поэт æмæ поэзийы темæ («Мæ фæндырмæ», «Къоста Херсоны»);
• Интимон лирикæ («Æз федтон дæу, æмæ та ногæй», «Талынг æхсæв алыгъд», «Æз уарзын», «Бахсæв и», «Сау цæстытæ» æмæ æндæртæ);
• Фыдыбæстæ æмæ патриотизмы темæ («Фыдыбæстæ», «Адæмы маст», «Фæстаг салам»);
• Мады темæ («Хъæмæ», «Фыстæг мæ мадмæ»).

Кочысаты Мухарбеджы æмдзæвгæтæ («Фыдыбæстæ», «Фыстæг мæ мадмæ») систы цалдæр зарæджы бындур.

Литературæ

• Джыккайты Шамил. Ирон литературæйы истори (1917—1956 азтæ). Дзæуджыхъæу: Ир, 2003. Ф. 353—358.
• Кочысаты М.Г. Уацмыстæ. Чиныг сарæзта, разныхас æмæ йын фиппаинæгтæ ныффыста Хъодзаты Æ. Орджоникидзе, «Ир», 1977. 119 ф.