Исаты Мæхæмæт

Исаты Мæхæмæт
Райгуырды датæ	1928-æм азы 5 мартъийы(1928-03-05)
Райгуырæны бынат	Лескен, Æрæфы район, Уæрæсе
Мæлæты датæ	2011-æм азы 21 июны(2011-06-21) (83 азы)
Мæлæты бынат	Мæскуы, Уæрæсе
Бæстæ	Советон Цæдис  Уæрæсе
Зонады къабаз	эсперантологи[d] æмæ интерлингвистикæ[d]
Куысты бынат	Уæрæсейы зонæдты академийы Æвзагзонынады институт[d]
Альма-матер	Бетъырбухы паддзахадон университеты Скæсæны факультет[d]
Ахуырадон къæпхæн	филологон зонæдты доктор[d]
Хорзæхтæ æмæ премитæ

Исаты Измаилы фырт Мæхæмæт (уырыс. Исаев Магомет Измайлович, иронау йæ мыггаг фыста куыд Исати; 1928-æм азы 5 мартъийы, Лескены хъæу — 2011-æм азы 20 июны, Мæскуы) у Уæрæсейы æвзагиртасæг, иранистикæ, интерлингвистикæ æмæ этнолингвистикæйы специалист.

Каст фæцис Ленинграды университет. Ахуыргонд фылдæр зындгонд у куыд иранист, ирон æвзаджы дыгурон диалект иртасæг. Ацы темæйыл ныффыста бирæ иртасæн куыстытæ. Ноджы ма уый архайы къорд æндæр фарстайыл: социолингвистикæ, этнолингвистикæ, Уæрæсейы æвзæгты кæрæдзийы ’хсæн архайд. Исайы-фырт уыдис бирæ ахæм темæтыл фыст куыстыты сæргълæууæг.

Исаты Мæхæмæт ма у эсперантойы цалдæр ахуыргæнæн чиныджы автор. 1979–1989 азты уый уыдис Советон эсператистты ассоциацийы сæргъы. Йæ зонадон сæргълæудæй хъахъхъæд æрцыдысты эсперантологийыл фыст диссертацитæ.

1990–1997 азты Исайы фырт куыста, «Уырыссаг æвзаг национ скъолайы» (уырыс. «Русский язык в национальной школе»), зæгъгæ, уыцы журналы сæйраг редакторæй.

Йæ фæстаг азты дæргъы куыста куыд Уæрæсейы зонæдты академийы Æвзагзонынады институты сæйраг зонадон кусæг.