Дахадаев, Магомед-Али
| Магомед-Али Дахадаев | |
|---|---|
| Райгуырдис |
1882-æм азы 2 апрелы |
| Амардис |
1918-æм азы 4 октябры (36 азы)
|
| Парти | |
 Викикъæбицы медиа | |
Магомед-Али Дахадаев (фæсномыг — Махач; 1882 — 1918) — XX æнусы райдианы Дагъистаны революцион архайæг.
Цардафыст
[ивын | Бындур ивын]Дахадаев райгуырдис солиаг хъæу Унцукулы, куырды бинонты ’хсæн.
1900-æм азы йæ къухы бафтыдис Бетъырбухы фæндæгты инженерты институтмæ бацæуын. 1905-æм азы Дагъистанмæ куы раздæхтис, уæд сси РСДРП-йы разамонджытæй иу, дыууæ хатты йæ æрцахстой, 1906-æм азы ноябры Дагъистанæй йæ ратардтой. 1910-æм азы Магомед-Али каст фæци институт æмæ 1916-æм азы онг куыста Майкъопы æфсæнвæндаджы инженерæй.
Февралы революцийы фæстæ сси Дагъистаны облæстон советы уæнг Темир-Хан-Шурайы (ныры Буйнакск). 1918-æм азы райдиан æрæмбырд кодта, Хæххон республикæйы æфсады ныхмæ чи тох кодта, уыцы сырхæфсæддонты къорд. 1918-æм азы 22 сентябры йæ æрцахстой урсæфсæддонтæ æмæ фехстой.
Махачы кадæн 1922-æм азы сахар Порт-Петровскæн радтой йæ фæсномыджы ном — Махачкала (ома «Махачы фидар, Махачы хъаллæ»). Йæ ном ма хæссынц Дагъистаны Дахадаевы район, хутор Дахадаевкæ (раздæры хъæу Преображенское Дагъистаны) æмæ хъæу Махачаул (раздæры Джелал) Стъараполы крайы скæсæны.
Литературæ
[ивын | Бындур ивын]- Кашкаев Б. О., Хашаев X. М., Махач Дахадаев, Махачкала, 1957