Бæройты Михал

Бæройты Михал
Райгуырды датæ	1919-æм азы 15 январы(1919-01-15)
Райгуырæны бынат	Джызæл, Горæтгæрон район, Уæрæсе
Мæлæты датæ	1994-æм азы 12 февралы(1994-02-12) (75 азы)
Мæлæты бынат	Дзæуджыхъæу, Уæрæсе
Æфсæдты хуыз	фистæгæфсад[d]
Командæ кодта	взвод[d]
Тохтæ	Фыдыбæстæйы Стыр хæст
Хорзæхтæ æмæ премитæ

Бæройты Михал (райгуырд Джызæлы 1919-æм азы, фæзиан Дзæуджыхъæуы 1994-æм азы 11 февралы) — Фыдыбæстæйы Стыр хæсты архайæг, æфсадæй рацыд 1970-æм азы инæлар-майоры цины.

Бæройы-фырт Ленинграды фронты тохы бацыд 1941-æм азы августы. Уæд уыдис бастдзинады взводы командир. Блокадæйы азты иудадзыгдæр уыд раззагдæр хаххыл.

1944-æм азы ноябры 25-аздзыд майор Бæройты Михалы снысан кодтой æхсæг полчъы командирæй. Уыцы иу аз йæ райстой коммунистон партийы рæнхъытæм дæр.

Хæсты рæстæг æдæппæт цыппар хатты цæф æрцыди, цалдæр хатты райста контузи. Йе сгуыхтдзинæдты тыххæй йын лæвæрд æрцыд Сырх Тырысайы дыууæ ордены, Александр Невскийы орден, Фыдыбæстæйы хæсты 1-аг къæпхæны дыууæ æмæ 2-аг къæпхæны иу орден, Сырх Стъалыйы орден æмæ 18 майданы (уыдонимæ «Æхсæрдзинады тыххæй», «Ленинград хъахъхъæныны тыххæй» æмæ «Ирыстоны намысæн»).

Бæройты Михалы ном хæссы Джызæлы скъола-интернат, уыцы ахуырдоны 2008-æм азы сæвæрдтой Бæройы-фырты бюст, хъæуы уынгтæй иуæн лæвæрд æрцыд инæлар-майор Бæройты Михалы ном, Дзæуджыхъæуы цы хæдзары цард, уый къулыл ис йæ номарæн къæй.

Æддаг æрмæг

• Дзопойты Ю., Аланты А. Джызæйлаг хъæбатыр инæлар. // Рæстдзинад, № 50 (22381), 2009 азы 25 мартъи