Айларты Чермен

Сæрибар энциклопеди Википедийы æрмæг.
Перейти к навигации Перейти к поиску

Айларты Чермен Гæбылайы фырт (райгуырдис 1934-æм азы, Хъарман-Сындзыхъæуы — амардис 2005-æм азы) уыдис ирон фыссæг.

Цардафыст[ивын | Бындур ивын]

Айларты Чермен райгуырдис Хъарман-Сындзыхъæуы зæхкусæджы хæдзары. Астæуккаг скъола каст фæуыны фæстæ бацыдиc Цæгат Ирыстоны паддзахадон медицинон институтмæ. Каст æй куы фæцис, уæд дохтырæй куыста республикæйы хъæуты æмæ сахарты. Бирæ азты дæргъы уыди æфсæнвæндаджы санэпидстанцæйы сæргълæууæг.

Чермены фыццаг поэтикон чиныг «Лæппуйы бæллиц» рацыдис 1957-æм азы. Уый фæстæ ма рауагъта иу фынддæс прозаикон æмæ поэтикон æмбырдгонды. Сæ сæйрагдæртæ сты «Базыртæ» (чиныгуадзæн «Ир», 2001) æмæ «Æргъæу фæззæг» («Ир», 2005).

Айларты Чермены æмдзæвгæ[ивын | Бындур ивын]

Мæ фæд
Мæ цард зæрырдæм ламийау лæдæрсы,
Уæддæр мын нæу йæ ныууадзын æнцон.
Мæ сау уæрдоны сау бæстæм цæуон, —
Æрдзон тæрхонæй баризын, фæтæрсын.
Хуынæн мын уадзынц хъизæмайраг азтæ
Мæ сау дзыккутыл урс-урсид сæ фæд.
Мæ уарзтыл мын куы фæтых уа мæлæт,
Йæ хæдуæлвæд мын уæд мæ цард дæр айсæд.
Нымайы мын мæ фæстаг бонтæ рæстæг,
Мæ уарзтимæ æнæбары мæлын.
Дæ цæстытæй цы хур касти мæныл,
Уый иу гуырды дæр ма тавæд мæ фæстæ!
Æрцыд мæ уæрдон... Цæстысыг ызгъæлы...
Дзæнæтвæндаг мын уардитæй æхгæд.
Кæд искæй цинты баззайа мæ фæд,
Уæд а зæххыл нæ фæцардтæн дзæгъæлы.