Чавес, Уго

Сæрибар энциклопеди Википедийы æрмæг.

Уго Рафаэль Чавес Фриас (исп. Hugo Rafael Chávez Frías, райгуырдис 1954-æм азы 28 июлы Сабанетæйы - амардис 2013-æм азы 5 мартъийы Каракасы) уыдис Венесуэлæйы президент.

Уго Чавес райгуырдис Венесуэлæйы сахар Сабанетæйы, скъолайы ахуыргæнджыты бинонты 'хсæн. Æрыгон куы уыдис, йæ мады бæллиц уыдис, сауджын цæмæй суа, йæхи та фæндыдис бейсболист суын. 1975-æм азы каст фæцис Æфсæддон академи, уый фæстæ службæ кодта Венесуэлæйы десанты.

1992-æм азы 4 февралы Уго Чавес ссис растады фæтæг, фæлæ растад нæ фæрæстмæ, Чавес бахаудис ахæстонмæ. 1994-æм азы ахæстонæй рацыдис уæды президент Рафаэль Кальдерæйы хатырæй. Чавес уайтагъд сарæзта политикон «Змæлд V республикæ». 1998-æм азы фыццаг хатт ссис Венесуэлæйы президент.

2009-æм азы 10 сентябры, Мæскуымæ официалон балцы рæстæг, Уго Чавес фехъусын кодта, йæ бæстæ Хуссар Ирыстоны æмæ Абхазийы хæдбардзинад «уыциу бон» кæй банымайдзæн, уый тыххæй[1][2].


Æрвитæнтæ[ивын]

Фиппаинæгтæ[ивын]