Гидроэлектростанцæ
Сæрибар энциклопеди Википедийы æрмæг.
Гидроэлектростанцæ (ГЭС) у, доны цыды энергийæ чи пайда кæны, ахæм электростанцæ. Гидроэлектростанцæтæ аразынц цæугæдæттыл, уымæн кæнынц донмарæн æмæ донуат.
Цæмæй ГЭС эфективонæй куса, хъæуынц дыууæ сæйрагдæр факторы: доны цыд æппæт афæдзы дæргъы æмæ рельефы стыр уырдыг. ГЭС аразынæн ахъаззаг у нарæг комы рельеф (уымæй донуаты фæзуат чысылдæр вæййы, стæй донмарæн дæр цыбырдæр).
ГЭС-тæ цы электроэнерги дæттынц, уый дзæвгар асламдæр у, иннæ электростанцæты энергиимæ абаргæйæ.
ГЭС-ы генератортæ бафтауæн æмæ рафтауæн и тагъд рæстæджы — уый тыххæй ГЭС-тæй пайда кæнынц, электроэнергийы изæрон фæлхас сæххæст кæнынмæ (ома æхсæвыгон дон донуаты æмбырд кæнынц, фæлхас куы рæзы, уæд генератортæ скусын кæнынц).
Электростанцæты иннæ хуызтимæ абаргæйæ, гидроэлектростанцæтæ къаддæр тæваг дарынц æрдзæн, уæлдайдæр уæлдæфæн.
Уæрæсейы хъомысдæр гидроэлектростанцæ у Саяны-Шушенскойы ГЭС (скуыста 1978-æм азы).
