Гæды
Ацы терминæн ис æндæр нысаниуджытæ, кæс 
Гæды, дыгуронау тикис (латинаг классификацимæ гæсгæ Felis silvestris catus) у хæдзарон цæрæгой. Фыццаг чи сæрмахуыр кодта гæдыйы, уый уыдысты рагон Мысыры цæрджытæ; Мысыры гæдытæ хордонтæ æхсынæгтæй хъахъхъæдтой.
Гæдытæ тынг хорз уынынц лæмæгъ рухсы.
Сæргæндтæ |
[ивын] Гæды культурæйы
[ивын] Рагон Мысыр
Мысирæгтæн гæды цыппар мин азы размæ райдыдта лæггад кæнын. Уый канд мыстахсæг нæ уыди, фæлæ хъахъхъæдта кувæндæтты хæзнатæ дæр. Мысираг гæды сыгъдæг цæрæгойыл нымад уыди. Суанг ма сылгоймаг-хуыцау Бакотæн дæр уыд гæдыйы сæр.
[ивын] Гæды æмæ чырыстон дин
XIV æнусы инквизици тынг бафхæрдта æназым гæдыты. Инквизитортæ уыдон дæлимонты лæггадгæнджытæ хуыдтой. Ауыгътой сæ ауындзæнтыл, сыгътой сæ арты.
Уæрæсейы чырыстон дин гæдытæм фæлмæндæр цæстæй ракастис. Уыди сын моладзандонты цæрыны бар. Раст зæгъын хъæуы фæстæдæр гæдыты сраст кодтой католиктæ дæр. Суанг кардинал Ришельёйæн йæ хæдзары уыди цыппæрдæс фæлмæнхъуын гæдыйы.
[ивын] Гæды скæсæйнаг бæстæты
Кæд китайаг гороскопы гæды нæй, уый у япойнаг æмæ вьетнамаг гороскопы уæнг (китайаг Кроличы азы бæсты Япон æмæ Вьетнамы цæуы Гæдыйы аз). Китайаг таурæгъмæ гæсгæ гороскоп уыры аразта, æмæ дзы гæды бауадзын йæ нæ бафæндыд.
[ивын] Гæды пысылмон дины
Урс гæды у иунæг цæрæгой, мæзджытмæ бацæуыны бар кæмæн ис, ахæм. Пысылмон таурæгътæм гæсгæ, пехуымпар Мæхæмæт гæдыты уарзта: иу хатт кувыны рæстæг йæ халаты дысыл бафынæй иу гæды; пехуымпар кувын куы фæци, уæд, цæмæй гæды ма бахъыгдара, йæ дыс алыг кодта.
 |
Ацы статьяйы автортæй чидæр пайда кодта журнал «Мах дуг»-æй ист æрмæджытæй. «Мах дуджы» редакци ахæм бар дæтты. |
