Барад

Барад у æхсæнадон ахастыты регулятортæй иу.

Нырыккон дуджы дунейы ахуыргæндтæ нæма ссартой барады универсалон бæрæггæнæн. Зæгъæм, Стыр советон энциклопедимæ гæсгæ барад у паддзахадæй сфидаргонд иумæйаг æнæмæнг æххæстгæнинаг фæткойты æмдзыгуыр, кæдоны æххæстгонд паддзахад гаранти кæны.

Миниуджытæ

Барады миниуджытæ сты:

• Уагæвæрддзинад, ома барады нормæтæ хъуамæ уой æмхуызон конд, иу паддзахады оргæнæй цæуой.
• Иумæйаг æнæмæнгдзинад, ома алчидæр хъуамæ фæткойтæ æххæст кæна.
• Объективон характер
• Формалон бæлвырддзинад
• Паддзахад æххæстдзинад гаранти кæны
• Бирæхаттон спайдакæныны фадат

Барады равзæрæнтæ

Барады равзæрæн у барады нормæйы фидар кæныны амал.
Барады равзæрæнты æхсæн сбæрæг кæнæн ис:

• барадон бадзырд
• нормативон барадон акт
• барадон прецедент
• барадон æгъдау
• барадон доктринæ

Барады системæ

Барады системæ у къабæзтæ, институттæ æмæ нормæты æмдзыгуыр.

Барады къабаз

Къабаз у барадон нормæты æмдзыгуыр, кæцы уаг дæтты иугъæдон æхсæнадон ахастытæн.

Барады къабæзтæ

Барады къабæзтæ сты:

• Æхсæнадæмон барад
• Конституцион барад
• Административон барад
• Тугтæрхонон барад (уголовон барад)
• Граждайнаг барад
  • Бадзырдон барад
• Амалиуæгдарон барад
• Финансон барад
  • Хъалонон барад
  • Бюджетон барад
• Фæллойадон барад

Барады институт

Барадон институт у барадон нормæты æмдзыгуыр, кæцы уаг дæтты æхсанадон ахастыты хицæн къордæн.

Барады институттæ

Барады институттæ сты, зæгъæм:

• сæрмæмулкы барады институт
• адæймаджы барадты институт

Барады нормæ

Барады нормæ у ахасты уагæвæрд, кæцы уаг дæтты конкретон æхсæнадон ахастытæн.

Барадон системæ

Барадон системæ у барады системæ, барады культурæ æмæ барады реализацийы æмдзыгуырон бастдинад.
Дунейы зындгонд сты барадон системæты мыггæгтæ:

• англо-саксон мыггаг
• континентон мыггаг
• динон барады мыггаг

Барады зонæдтæ

Барады зонæдтæ сты æхсæнадон зонæдты къорд, кæдон иртасынц барад æмæ барадон фæзындтæ.