Царды цæппæр

Сæрибар энциклопеди Википедийы æрмæг.
Перейти к навигации Перейти к поиску

Царды цæппæруæрæсейаг стартап, бындур æвæрд æрцыд 2005-æм азы. Разæрæвæры уæрæсейаг фыццаг медицинон сигнализации — йæ фæрцы зæрæдты æмæ инвалидты бон у фæдзурын уæлрадон æххуысмæ.[1][2][3][4][5]

Хицауад æмæ разамонджытæ[ивын | Бындур ивын]

Компанийæн разамынд дæттынц йæ бындурæвæрджытæ Иринæ Линник (коммерцион директор) æмæ Сергей Купцов (генералон директор; «Ринтех»-ы хицау)[4]. 2014 азы 43% уыд компанийы «А-Клевер»-ы къухы (бындурæвæрджытæ — Дмитрий Юрченко, Иринæ Линник æмæ Александр Мусиенко); 57% — компании «Ринтех»-ы къухы[4].

Архайд[ивын | Бындур ивын]

Стартап уæй кæны телефонтæ, кулонтæ, цонгдарæнтæ æмæ иннæ гарзæгтæ. Уыдоны æнцон ран æвæрд и SOS-ы цæппæр, уыйы руаджы ис фæдзурæн, суткæйы дæргъы чи кусы, ахæм Æххуысы центрмæ.

Колл-центры специалисттæ уавæрмæ æмæ дзурæджы æнæниздзинадмæ гæсгæ фæдзурдзысты тагъд æххуысмæ, МЧС-мæ, пъæлицæмæ, науæд фæхабар кæндзысты сыхæгтæм кæнæ хиуæттæм.

Тыхст цæппæрæй уæлдай, сервис «Царды цæппæр» дæтты фадат цæст дарын адæймаг цы ми кæны, уымæ, ома мыййаг нæ ахаудта кæнæ нал змæлы.

Æфтиæгтæ цæуынц гарзæгтæ уæй кæнынæй (2000–10000 сомы) æмæ алы мæйы бардарджыты фиддонтæй (200–600 сомы мæй).

Тынгад[ивын | Бындур ивын]

«Царды цæппæр» æмгуыст кæны компании «АйТи» æмæ МТС-имæ, дукани «Альцстор» æмæ æндæр компанитимæ. Фыццаг мæй МТС-ы дуканиты «Царды цæппæр» ауæй кодта æрмæст 11 гарзæджы (фæнд кодтой 150 дзаумайы), сайты фæрцы æлхæд æрцыд, кæй æнхъæлмæ кастысты уымæй 15 хатты къаддæр.

Æхцайы фæрæзтæй сæм «Ринтех» куы фæкастис, уæд «Царды цæппæр» рамбылдта цыппар паддзахадон тендеры сæ гарзæгтæ æмæ семæ цы лæггæдтæ цæуынц, уыдон сæввонг кæныныл социалон уагдæттæм. Тендеры аргъ у 31 милуан сомæй фылдæр. Уыдонæй æртæ конкурсы рамбылдта Мæскуыйы «Ветеранты пансионат №1», цыппæрæм — Дæллаг Новгороды администрацийы фæллой æмæ цæрджытимæ кусыны фæткдаруат[4].

Куысты бæрæггæнæнтæ[ивын | Бындур ивын]

2014 азы хурхæтæны мæймæ системæйæ пайда кодтой 10 мин адæймагмæ хæстæг. 2014 азы хурхæтæны мæйы компанийы бæрæггæнæнтæм, проект нæ хаста финансон зиан. Дыууæ азмæ хицауад фæнд кодта райдайын исын æфтиаг.

Истори[ивын | Бындур ивын]

Проект райдыдта кусын ноябры мæйы 2010 Ирина Линник æмæ Дмитрий Юрченкойы тыххæй.

2012 азы компани «Ринтех» (компани «АйТи»-йы хайад ) радих кодта стартапæн 35 милуан сомæй фылдæр. Уæд «Царды цæппæр»-ы 57% уыдысты «Ринтех»-ы къухы. Уымæ гæсгæ компани «Царды цæппæр»-ы аргъ сси 61 милуан сомы. 2014 азы проект «Царды цæппæр»-æн радих кодта 45 милуан сомы.

Хæрзиуджытæ[ивын | Бындур ивын]

Проект иу æмæ дыууæ хатты не сси алыхуызон конкурсты уæлахиздзау[2].

2011 азы компанийæн радтой хæрзиуæг «2011 азы хуыздæр социалон стартап» Экономикæйы уæлдæр скъолайы цæстæнгасмæ гæсгæ. Сси конкурс «Бит-2011» уæлахиздзау. Журнал Forbes-ы конкурсы куыд хуыздæр стартап рамбылдта II бынат.

2013 азы журнал «Секрет фирмы» радта «Царды цæппæр» фыццаг бынат куыд фидæны хуыздæр венчурон проект[2].

Æддаг æрмæг[ивын | Бындур ивын]

Фиппаинæгтæ[ивын | Бындур ивын]