Турнава, Нателæ
| Натия Турнава | |
|---|---|
| гуырдз. ნათელა თურნავა | |
 | |
|
| |
| 2019-æм азы 18 апрелы | |
| Хицауады Сæрдар | Мамука Бахтадзе Георгий Гахария |
| Президент | Георгий Маргвелашвили |
| Раздæр чи уыд | Георгий Кобулия |
|
|
|
| Райгуырдис |
1968-æм азы 19 октябры (55 азы) |
| Ахуырад | |
 Викикъæбицы медиа | |
Нателæ Турнава (гуырдз. ნათელა თურნავა; райгуырдис 1968-æм азы 19 октябры[1] Мæскуыйы, УСФСР, Советон Цæдис) у Гуырдзыстоны паддзахадон æмæ политикон архайæг, ныртæккæ кусы экономикæ æмæ хъæддых рæзты министрæй.
Иуæй-иу текстты министры Натиа Турнава дæр хонынц[2].
Цардафыст[ивын | Бындур ивын]
Ахуырад[ивын | Бындур ивын]
1985-æм азы каст фæцис Тбилисы астæуккаг скъола №56 сыгъзæрин майданимæ. Уый фæстæ ахуыр кодта Тбилисы паддзахадон университеты экономикон факультеты. 1994-æм азы бахъахъхъæдта диссертаци (товарты дефициты тыххæй), сси экономикон зонæдты кандидат. 2005 æмæ 2006 азты ахуыр кодта Гарвады университеты, 2012-14 азты та — Кембриджы, райста хъуыддаджы архайды тыххæй магистры къæпхæн.
Политикон архайд[ивын | Бындур ивын]
1994—96 азты уыд профессоры ассистент, куыста Гуырдзыстоны политикон зонæдты институты, лекцитæ кастис алыхуызон экономикон дисциплинæтыл Тбилисы ахуыргæнæндæтты.
1997-æм азæй — профессоры хæдивæг, Паддзахадон къæнцылары уынаффæгæнæг. Куыста финансон службæйы: финансон-бюджетон политикæйы хайады хицауы хæдивæг, экономикон службæйы хицауы хæдивæг. Парламенты цур президенты секретары хæстæ æххæст кодта.
1998—2000 азты уыд Тбилисы æмбырды уæнг, финансон-бюджетон къамисы сæргълæууæджы хæдивæг. 2000-æм азæй — Гуырдзыстоны экономикæйы министры фыццаг хæдивæг, Гуырдзыстоны президенты цур Æдасдзинады фæдыл советы секретары хæстæ æххæстгæнæг.
2018-æм азы 14 сентябрæй — экономикæ æмæ хъæддых рæзты фæдыл министры хæдивæг. 2019-æм азы 18 апрелы снысан æй кодтой министрæй.
Кусы бизнесы дæр: у «Гуырдзыстоны æхсæнадæмон энергион корпорацийы» генералон директор.
Турнава дзуры уырыссаг æмæ англисаг æвзагыл.
Ис ын бинонтæ, хъомыл кæны иу сывæллоны.
Æддаг æрмæг[ивын | Бындур ивын]
- Нателæ Турнавайы тыххæй — Экономикæ æмæ хъæддых рæзты фæдыл министрады сайтыл
- Нателæ Турнавайы тыххæй — Гуырдзыстоны Парламенты библиотекæйы сайтыл
Фиппаинæгтæ[ивын | Бындур ивын]
- ↑ Нателæ Турнавайы тыххæй Гуырдзыстоны Парламенты библиотекæйы сайтыл (гуырдз.)
- ↑ Натия Турнава, справка // Спутник Грузия