Тедеты Рюрик

Сæрибар энциклопеди Википедийы æрмæг.
Перейти к навигации Перейти к поиску
Тедеты Рюрик
Фæсномыгтæ Скифирон
Райгуырды датæ 1938
Райгуырæны бынат
Мæлæты бон 1991
Æмбæстонад (дæлхицауад)
Архайды хуыз поэт, фыссæг

Тедеты Къостайы фырт Рюрик (Скифирон)[1] (19381991) у зындгонд ирон поэт, фыссæг æмæ ахуыргонд.

Райгуырдис Хуссар Ирыстоны Къуылыхты хъæуы. Каст фæци Хъорнисы астæуккаг скъола, Кæсæг-Балхъары паддзахадон университеты историон-филологон факультет æмæ Мæскуыйы паддзахадон университеты аспирантурæ. Куыста уырыссаг æвзаг æмæ литературæйы ахуыргæнæгæй, Кæсæг-Балхъары æмæ Цæгат Ирыстоны районты газетты, Гуырдзыстоны Фысджыты цæдисы Хуссар Ирыстоны хайады референтæй, Хуссар Ирыстоны æмæ Гуры пединститутты уырыссаг æмæ фæсарæйнаг литературæйы ахуыргæнæгæй, чиныгуадзæн «Ирыстон»-ы редакторæй, Хуссар-Ирыстоны зонадон-иртасæг институты хистæр зонадон кусæгæй. Скифирон уыди иудадзыг агурыны, сгарыны фæндагыл лæуд. Уыцы миниуæг æм уыд сæрысуангæй йæ царды фæстаг бонтæм .

Скифироны æмдзæвгæты фыццаг æмбырдгонд «Уадындз» рацыди 1965-æм азы Цхинвалы. Æмдзæвгæтæй уæлдай ма фыста уацаутæ, радзырдтæ, критикон уацтæ. У дыууæтомон стыр куыст «Коста в жизни»-йы автор. Фыццаг том рацыди 1984-æм азы Цхинвалы, дыккаг та — 1989-æм азы, уый дæр Цхинвалы.

Йæ поэтикон чингуыты сæйрагдæртæ сты «Лирикæ» (Цхинвал, 1973), «Лирикæ-2» (Цхинвал, 1980).

Фиппаинæгтæ[ивын | Бындур ивын]

  1. Скифирон: 80 азы. Журнал «Мах дуг», 2018 аз, №7, 6-æм фарс