Достоевский, Фёдор Михаилы фырт

Сæрибар энциклопеди Википедийы æрмæг.
(Достоевский-æй æрвыст)
Фёдор Михайлович Достоевский
уырыс. Фёдор Михайлович Достоевский
Гуырæн ном Фёдор Михайлович Достоевский
Райгуырды датæ 30 октябры (11 ноябры) 1821[1][2][3]
Райгуырæны бынат Мæскуы, Уæрæсейы импери
Мæлæты бон 28 январы (9 февралы) 1881[2][1][4][…] (59 азы)
Мæлæты бынат
Æмбæстонад (дæлхицауад)
Архайды хуыз прозаик
Сфæлдыстады азтæ 18441880
Здæхт реализм
Уацмысты æвзаг уырыссаг[8][9]
Автограф Подпись
fedordostoevsky.ru(уырыс.)
ВикиКъæбицы логотип Викикъæбицы медиа

Достоевский Михаилы фырт Фёдор (уырыс. Фёдор Михайлович Достоевский; райгуырдис 1821 азы 30 октябры (11 ноябры) Мæскуыйы — амардис 1881 азы 28 январы (9 февралы) Бетъырбухы) у зындгонд уырыссаг фыссæг æмæ хъуыдыгæнæг.

Йæ фыд Андрейы фырт Михаил уыд дохтыр æмæ куыста рынчындоны мæгуыртæн. Йæ мад Фёдоры чызг Мария (йæ чызгон мыггаг Нечаева) уыд сæудæджерты мыггагæй. Фёдор уыд авд сабитæй дыккаг сывæллон.

Иу æнхъæлцмæ гæсгæ Фёдоры фыды къабæзты зæхмулк уыд Белоруссийы. Уыцы зæхмулк 1506-æм азы кæфты мæйы æхсæзæм боны, фыдыбæстæйы раз сгуыхтдзинæдты тыххæй, æлдарæй райста бардарын Ртищев Иваны фырт Данилæ. Уæдæй фæстæмæ Ртищев æмæ йæ бындартæ хуындысты куыд Достоевский бинонтæ.

Фёдорыл фынддæс азы куы сыххæст, уæд йæ мад тарнизæй амард æмæ фыд арвыста йæ дыууæ хистæр фырты Фёдоры æмæ Михаилы (кæцы фæстæдæр фыссæг сси) Костомаровы пансионатмæ Бетъырбухмæ. 1837-æм аз сси фыссæгæн ахъаззаг датæ. Уый уыд йæ мады мæлæты аз, Пушкины (кæй сфæлдыстадимæ уый уыд зонгæ йæ сывæллоны бонтæй) мæлæты аз, уый æддейы 1837-æм азы Фёдор ралыгъд Бетъырбухмæ. 1839-æм азы фыссæгæн фехъусын кодтой йæ фыды амарды тыххæй: хъазайраг зæхкусджытæ Михаилы амардтой.

Достоевский æфсæддон службæйæ ауагъды иу аз агъоммæ фыццаг хатт ратæлмац кодта æмæ мыхуыры рауагъта Бальзакы «Евгения Гранде» (1843). Афæдз фæстæдæр рацыд йæ фыццаг уацмыс «Мæгуыр адæм», æмæ уайтагъд Фёдор сси разагъд фыссæг. Виссарион Белинский стыр аргъ скодта ацы уацмысæн. Фæлæ иннæ чиныг «Цæрмыстыгъд» сымбæлд нембарыныл.

«Урс æхсæвты» мыхуыры рауагъды фæстæ Достоевскийы æрцахстой, уымæн æмæ уыд «Петрашевскийы хъуыддагимæ» баст. Тæрхон ын рахастой мæлæтæй æфхæрд цыппурсы мæйы дыууын дыккæгæм бон Семёновский плацыл. Фæлæ фæстаг уысмы зылынгæндтæн фехъусын кодтой, сæ фыдракæнд сын хицауад кæй ныббарста, уый.

Фиппаинæгтæ[ивын | Бындур ивын]

  1. 1,0 1,1 1,2 Белкин А. А. Достоевский Ф. // Краткая литературная энциклопедия (уырыс.)Москва: Советская энциклопедия, 1962. — Т. 2.
  2. 2,0 2,1 Кирпичников А. Достоевский, Федор Михайлович (уырыс.) // Энциклопедический словарьСПб: Брокгауз — Ефрон, 1893. — Т. XI. — С. 72—81.
  3. T. Se. Dostoievsky, Feodor Mikhailovich (англ.) // Encyclopædia Britannica: a dictionary of arts, sciences, literature and general information / H. Chisholm — 11 — New York, Cambridge, England: University Press, 1911. — Vol. 8. — P. 438—439.
  4. Fjodor Dostojewski (нидерл.)
  5. Бороздин А. К. Достоевский, Федор Михайлович (уырыс.) // Русский биографический словарьСПб: 1905. — Т. 6. — С. 608—670.
  6. http://www.sciencedirect.com/science/article/pii/0304347981900478
  7. Каталог Немецкой национальной библиотеки (нем.)
  8. Bibliothèque nationale de France идентификатор BNF (фр.): гом бæрæггæнæнты платформæ — 2011.
  9. CONOR.Sl