Гриффинтæ

Сæрибар энциклопеди Википедийы æрмæг.
Перейти к навигации Перейти к поиску
Family Guy television set.svg

Гриффинтæ (англ. Family Guy) — америкайæг анимацигонд ситком, Сет Макфарлейны конд Fox Broadcasting Company-йæн. Сюжеты астæу ис æнæрæмстмæ бинонтæ Гриффинтæ: ныййарджытæ Питер æмæ Лоис, сæ сывæллæттæ Крис, Мег æмæ Стьюи, афтæмæй ма Брайан дæр — куыдз антропоморфон миниуджытимæ. Ситкомы архайд цæуы Куаходжы, æрымысгæ горæтгæрон Провиденсы, Род-Айленды штаты. Мультфильмы юморы фылдæр хай у ’вдыст, ахæм, "балыгтæй", зæгъгæ, кæдонæн сæ фылдæр сюжетмæ ницы бар дарынц æппындæр æмæ алыхуызон пысмил æмæ дайуаг темæтыл джидзæгтæ хæддарынц, куыд: политикæ, цагъайрад, æнæбондзинад, феминизм, фырнард æмæ æнд.

"Гриффинты" хъуыды Макфарлейнмæ нырма колледжы фæзынди, фæлæ йæ йæ сæххæст кæнынмæ равдæлд æрмæстдæр йæ фыццаг анимацион проектты "Ларрийы Цард" æмæ "Ларри ’мæ Стив"-ы фæстæ. Рацарызта цын сæ сæйраг нывгоймæгты, Ларри æмæ йæ куыдз Стивы, Питыр æмæ Брайанмæ, куыд уайынц, афтæ. 1988-æм азы Сет видеоист скодта 7-минут пилотон эпизод æмæ йæ равдыста телеканал Fox-ы сæргълæуджытæн, кæдоны зæрдæмæ фæцыди æмæ йын фæндаджы бар раттой. Ситком фæцис æртæ сезоны æмæ йæ 2002-æм азы сæхкæдтой. Фæлæ "Гриффинтæ" DVD-ыл иттæг хорз уæй кæй цыдысты æмæ ма сæ уæллейау рейтингтæ Adult Swim блочы æвдисгæйæ, цæ аивын кæнын кодтой сæ хъуыдытæ æмæ та сериал сæндидзыд 2004-æм азы.

Сериал 16 хатт уыди номхуынд Праймтайм премимæ "Эмми" (рамбылдта-иу æй 4 хатты) æмæ 11 хатт преми "Энни"-мæ, кæцыйы рамбылдта 3 хатты. 2009-æм азы уыди номхуынд "Эмми"-премимæ, категори "Хуыздæр комедион сериал"-ы. 1961-æм азы "Флинстоунты" фæстæмæ та уыцы номинацийы уыди анимацигонд проект. "Гриффинтæ" иу æмæ дыууæ хатт нæ уыди культон сериалыл нымад, кæд æмæ-иу æмафон йæ фыдгой дæр кодтой, зæгъæм, "Симпсонтимæ" æнгæсы тыххæй.