Бедойты Руслан

Сæрибар энциклопеди Википедийы æрмæг.
Перейти к навигации Перейти к поиску

Бедойты Алыксандры фырт Руслан (райгуырдис 1947-æм азы 12 апрелы — амардис 2020-æм азы 12 майы) — авиацийы инæлар-майор, республикæйы Ветеранты советы сæрдары хæдивæг.

Цардафыст[ивын | Бындур ивын]

Бедойты Руслан райгуырдис 1947 азы 12 апрелы Сунжæйы хъæуы Фыдыбæстæйы Стыр хæсты архайæг, æфсады инæлар Плиты Иссæ къаманды кæмæн кодта, уыцы дæлхайæдтæй иуы сконды чи хæцыд æмæ 1945 азы Уæлахизы парады чи архайдта, уыцы Бедойты Алыксандр æмæ ахуыргæнæг Бедойты-Тлаттаты Равенкæйы бинонты.

Йе ’взонджы бонтæй фæстæмæ Руслан æмхиц уыд спортмæ, архайдта уæгъдибар хъæбысхæстæй ерысты районы æмæ республикæйы чемпионатты, бирæ хæттыты бацахста призон бынæттæ. Скъолайы кодта зæрдиаг æхсæнадон архайд, уыд фæскомцæдисон организацийы секретар æмæ скъоладзауты фæллойадон къорды бригадир.

Скъола каст фæуыны фæстæ 1965 азы Бедойты Руслан ахуыр кæнынмæ бацыд Ейскы уæлдæр æфсæддон авиацион училищæмæ. Тæхæджы дæсныйад райсгæйæ, Бедойы-фырт 30 азы бæрц баслужбæ кодта Æфсæддон-уæлдæфон тыхты. Йæ службæ райдыдта хуымæтæг курсантæй æмæ схызт Прикарпатьейы æфсæддон зылды авиацийы хицауы бынаты онг.

1979 азы Бедойты Руслан иттæг хорз бæрæггæнæнтимæ каст фæци Æфсæддон-уæлдæфон академи. Йæ æфсæддон интернацион хæс æххæст кодта Мысыр æмæ Йемены. Йæ службæйы хæстæ æнтыстджынæй кæй сæххæст кодта, уый тыххæй хорзæхджын æрцыд «Гæрзифтонг тыхты Фыдыбæстæйæн службæйы тыххæй» æртыккаг къæпхæны орденæй, Йемены республикæйы «Хæстон сгуыхтдзинæдты тыххæй» майданæй.

Йæ службæ ахицæн кæнгæйæ, Бедойты Руслан 1993 азы сыздæхт Ирыстонмæ. Йæ фæллойадон архайд адарддæр кодта РЦИ-Аланийы Æнæнхъæлæджы уавæрты министрады, уыд министры хæдивæг. 2000 азы августы æвзæрст æрцыд "РОСТО"-йы Цæгат Ирыстоны хайады сæрдарæй. Уыцы бæрнон бынаты дæр æнтыстджын куыст кæй бакодта, уый тыххæй хорзæхджын æрцыд Советон Цæдисы æртæ хатты Хъæбатыр А.И. Покрышкины майданæй.

Литературæ[ивын | Бындур ивын]

Æрвитæнтæ[ивын | Бындур ивын]