Аралы денджыз

Сæрибар энциклопеди Википедийы æрмæг.
Аралы денджыз азæй-азмæ
Кæддæры ахсджиаг кæсагдзуаны регионы наутæ сурзæххыл баззадысты

Аралы денджыз (хъазах. Арал Теңізі [ɑɾɑl ti̯ɘŋɘzɘ́], узб. Orol dengizi [ɒɾɒl deŋgɨzɨ́]) у егъау цæхджын цад Хъазахстан æмæ Узбекистаны арæнтыл. Уымæ цы дыууæ стыр цæугæдоны æфтынц, Сырдарья æмæ Амударья, зæгъгæ, уыдоны дон-иу уагътой быдыртæм, уый тыххæй Аралы денджыз хус кæнын байдыдта. Йæ кæддæры фæзуатæй 10% фылдæр нæ баззад.

2008-æм азы кæронмæ раздæры цад у æртæ цады, æрмæстдæр йæ цæгатаг хай (æххæстæй Хъазахстаны у) у дзæбæх — Кокаралы донмарæны фæрцы йæ доны æмвæз рæзы, фæзынди дзы кæсаг дæр.