Адырхаты Светланæ

Адырхаты Светланæ
Адырхаты Светланæ
Райгуырды датæ	1938-æм азы 12 майы
Райгуырæны бынат	Хуымæллæг, Кировы район, Цæгат Ирыстоны АССР, Уæрæсейы СФСР, Советон Цæдис;
Мæлæты датæ	2023-æм азы 27 августы (85 азы)
Мæлæты бынат	Мæскуы, Уæрæсе;
Бæстæ	Советон Цæдис; Уæрæсе;
Архайды хуыз	балеринæ, балетмейстер
Хорзæхтæ æмæ премитæ	; ;

Адырхаты Дзантемыры чызг Светланæ (райгуырдис 1938-æм азы 12 майы Хуымæллæджы) у зындгонд уæрæсейæг æмæ советон балеткафæг, балетмейстер, хореограф æмæ педагог. У ССРЦ-йы адæмон артист (1984) æмæ фыццаг ирон балеткафæг сылгоймаг.

Цардафыст

Адырхаты Светланæ райгуырдис 1938-æм азы 12 майы Хуымæллæджы хъæуы.

1946-æм азы, национ къорды уæнг уæвгæйæ, ахуырмæ бацыд Ленинграды хореографион ахуырдонмæ (абон у А. Я. Вагановайы номыл Уырыссаг балеты академи). Ахуыр кодта Варвара Мей (кæстæр кълæстæ) æмæ Елена Шипинæйы кълæстæм гæсгæ.

1955-æм азы каст куы фæци, уæд бацыд Челябинскы оперæ æмæ балеты театры труппæмæ. 1958-1960 азты кафта Одессæйы оперæ æмæ балеты театры. 1960-æм азы ралæууыд Мæскуыйы сценæйыл, Цæгат Ирыстоны АССР-ы литературæ æмæ аивады декæдæйы рæстæджы. Уый фæстæ йæ фæхуыдтой Стыр театрмæ, балет «Доныхъазты цад»-ы Одетта-Одиллийы парти хъазынмæ.

Уыдис Стыр театры солист 1988-æм азы онг. Архайдта Асаф Мессереры къласы. Позæ кодта йæ ахуыры чиныг «Классикон кафты уроктæ»-æн къамтæ исынмæ.

Театралон аивады институты балетмейстерон хайадмæ куы бацыд, уæд 1978-1981 азты амыдта дзы классикон кафты методикæ дæр. Диплом райста 1980-æм азы. 1991-1996 азты йæ лæг, кафæг Алексей Закалинскиимæ иумæ, саразта йæхи труппæ «Адырхаты Светланæйы балеты театр», æмæ йæ аивадон разæмонаг уыд. 1995-2001 азты классикон кафт амыдта Наталья Нестеровайы Ног гуманитарон университеты Хореографицы академийы.

1997 азæй у хореографион аивады архайджыты ассоциацийы сæрдар.

2001-æм азы Стыр театрмæ раздæхт, педагог-репетиторæй. Куыста дзы бирæ зындгонд артисттимæ, се ’хсæн Аннæ Антоничева, Екатеринæ Крысанова, Евгения Образцова, Анастасия Сташкевич, Анастасия Яценко, Анастасия Горячева, Мария Семеняченко æмæ æндæртæ.

2013-æм азæй у Стыр театры Балетон труппæйы аивадон ныхасы уæнг.

2001-æм азы Адырхаты Светланæйы ном радтой Дзæуджыхъæуы балетон скъола-студимæ.

2013-æм азы 27 октябры, 75 азы йын кæй сæххæст, уый номæн Стыр театры сценæйыл гала-концерт сæххæстæуыд.

Бинонтæ

Адырхаты Светланæ моймæдзыд уыд кафæг, балетмейстер æмæ педагог Алексей Закалинскиймæ (1941-2009). 1969-æм азы цын чызг райгуырд, Фатимæ.

Хуындад æмæ хорзæхтæ

I Æппæтцæдисон зæлвидыцон театр, ансамбль æмæ хорты (зæрджыты къордты) фестивалы преми
Цæгат Ирыстоны АССР-ы сгуыхт артист (1960)
Цæгат Ирыстоны АССР-ы адæмон артист (1963)
УСФСР-ы сгуыхт артист (1974)
УСФСР-ы адæмон артист (1984)
Республикæ Хуссар Ирыстоны адæмон артист (2008)
Фæллойгæнджыты Сырх Тырысайы орден (1976)
Орден «Кады нысан» (1960)
Орден «Ирыстоны кадæн» (2013)
Орден «Кады нысан» (Хуссар Ирыстон) (2013)
Хæлардзинады орден (Хуссар Ирыстон) (2018)
II къæпхæны Орден «Фыдыбæстæйы раз сгуыхдзинæдты тыххæй»-йы майдан (2014)
Майдан «Кадджын фæллойы тыххæй. 100 азы Ленины райгуырды фæстæ номæн»
Майдан «Ирыстоны Намысæн»