Эрзурум (ил)

**Эрзурум**
**Erzurum**
Паддзахад	Турк
Статус	Ил
Кæй сконды у	Мидæггаг Анатоли
Административон центр	Эрзурум
Сæргълæууæг	Сами Булут
Цæрджытæ	774 000
Æнгомдзинад	31,40 ад./км²
Фæзуат	25.248 км²
Автомобилон код	25
	Официалон сайт

Эрзурум (тур. Erzurum) у ил (провинци) Турчы скæсæны. Йæ административон центр у скæсæн Турчы размæцыддæр сахартæй иу — Эрзурум. Йæ фæзуатмæ гæсгæ провинци у бæстæйы цыппæрæм стырдæр (25.248 кв. км).

Эрзурумы боныхъæд у карз, континенталон. Рæстæмбисæй 114 боны дæргъы бæстæ митæй æмбæрзт лæууы.

Турк æмæ Уæрæсейы ’хсæн хæстыты рæстæг Эрзурум цалдæр хатты-иу байстой уæрæсейаг æфсæддонтæ. Фыццаг хатт йæ байстой 1829-æм азы (уый тыххæй Пушкин дæр фыссы йæ «Эрзуруммæ балц»-ы). Дыккаг хатт йæ байстой 1877-æм азы хæсты. Фæстаг хатт Эрзурум бахаудис уæрæсейæгты къухтæм 1916-æм азы, Фыццаг дунеон хæсты рæстæг (фæстæмæ йæ радтой Туркæн Брест-Литовсчы бадзырдмæ гæсгæ).

Провинцийы экономикæйæн ахсджиаг сси бынæттон Кемаль Ататюрчы номыл университет (тур. Atatürk University), кæцыйы ахуыр кæнынц 40 мин студенты бæрц.